പാൻക്രിയാറ്റിക് ക്യാൻസർ എന്ന അസുഖത്തെ കുറിച്ച് കേട്ടിട്ടുണ്ടോ. പാൻക്രിയാസിന് ചുറ്റും അനിയന്ത്രിതമായി ക്യാൻസർ കോശങ്ങൾ പെരുകുകയും ഒരു ട്യൂമർ രൂപപ്പെടുകയും ചെയ്യുന്നതാണ് പാൻക്രിയാറ്റിക് ക്യാൻസർ.
പാൻക്രിയാറ്റിക് ക്യാൻസർ ബാധിക്കുന്നത് താരതമ്യേന അപൂർവമാണ്. എന്നാൽ, ഇത് ഏറ്റവും മാരകമായ ക്യാൻസറുകളിൽ ഒന്നാണ്. ഭൂരിഭാഗം ആളുകളും പാൻക്രിയാറ്റിക് ക്യാൻസറിന്റെ ആദ്യകാല ലക്ഷണങ്ങൾ പ്രകടിപ്പിക്കുന്നില്ല. രോഗം പുരോഗമിക്കുമ്പോൾ പാൻക്രിയാറ്റിക് ക്യാൻസർ മറ്റ് അവയവങ്ങളിലേക്കും വ്യാപിച്ചതിന്റെ ലക്ഷണങ്ങൾ വ്യക്തികൾ ശ്രദ്ധിച്ചേക്കാം. എന്തൊക്കെയാണ് ഈ ലക്ഷണങ്ങൾ എന്തൊക്കെയാണെന്ന് നോക്കാം.
അടിവയറ്റിൽ വേദന, മഞ്ഞപ്പിത്തം, ഭാരം കുറയുക, വിശപ്പില്ലായ്മ, ഛർദ്ദി, പുറം വേദന, ക്ഷീണം തുടങ്ങിയവയാണ് രോഗലക്ഷണങ്ങൾ. പാൻക്രിയാറ്റിക് ക്യാൻസറിനുള്ള ചികിത്സ ട്യൂമറിന്റെ സ്ഥാനം, അതിന്റെ ഘട്ടം, നിങ്ങളുടെ മൊത്തത്തിലുള്ള ആരോഗ്യം, പാൻക്രിയാസിന് അപ്പുറത്തേക്ക് ക്യാൻസർ പടർന്നിട്ടുണ്ടോ ഇല്ലയോ എന്നിവ ഉൾപ്പെടെ നിരവധി ഘടകങ്ങളെ ആശ്രയിച്ചിരിക്കുന്നു. പാൻക്രിയാറ്റിക് ക്യാൻസറിനുള്ള ചികിത്സയിൽ ക്യാൻസറിന്റെ ഘട്ടവും തീവ്രതയും അനുസരിച്ച് ശസ്ത്രക്രിയ, കീമോതെറാപ്പി, കൂടാതെ/അല്ലെങ്കിൽ റേഡിയേഷൻ തെറാപ്പി എന്നിവ ഉൾപ്പെടുന്നു.