2009ല് പുറത്തിറങ്ങിയ ബ്ലോക്ക് ബസ്റ്റര് ചിത്രം അവതാറിന്റെ രണ്ടാം ഭാഗമാണെന്നിരിക്കെ ആരാധകര് അക്ഷമരായി കാത്തിരിക്കുന്ന ചിത്രമാണ് അവതാര് ദി വേ ഓഫ് വാട്ടര്. സിനിമയുടെ ഒഫീഷ്യല് ട്രെയിലര് ഇപ്പോള് പുറത്തുവന്നിരിക്കുകയാണ്. ദൃശ്യപരമായി ഏറെ ആകര്ഷിക്കുകയും വൈകാരികമായി അടുപ്പം തോന്നുകയും ചെയ്യുന്ന സീക്വന്സുകള് അടങ്ങിയ ട്രെയിലറാണ് അണിയറപ്രവര്ത്തകര് ഒരുക്കിയിരിക്കുന്നത്. ജെയിംസ് കാമറൂണ് എഴുതി സംവിധാനം ചെയ്യുന്ന അടുത്ത ഇതിഹാസ സയന്സ്-ഫിക്ഷന് ചിത്രമായിരിക്കും അവതാര് ദി വേ ഓഫ് വാട്ടര് എന്നാണ് ട്രെയിലര് പറഞ്ഞുറപ്പിക്കുന്നത്.
ആരാധകര്ക്ക് ആദ്യ ചിത്രത്തിലൂടെ സുപരിചിതമായ പാന്ഡോരയിലേക്കും പ്രിയപ്പെട്ട പല കഥാപാത്രങ്ങളിലേക്കും വീണ്ടും വാതില് തുറന്നാണ് ട്രെയിലര് ആരംഭിക്കുന്നത്. രണ്ടര മിനിറ്റ് മാത്രമാണ് ദൈര്ഘ്യം. മനുഷ്യന്റെ ഇടപെടലിനെ ചെറുത്തുനില്ക്കുകയും പോരാടുകയും ചെയ്യുന്ന പാന്ഡോര സമൂഹത്തെ വീണ്ടും കാണാനാകുമെന്നാണ് ട്രെയിലര് സൂചിപ്പിക്കുന്നത്. ഏവരും ആകാംക്ഷയോടെ കാത്തിരിക്കുന്ന സീക്വല് ചിത്രം ഡിസംബര് 16നാണ് തിയേറ്ററുകളില് എത്തുക.