അനാവശ്യ ഇമെയിലുകള്‍ കാരണം Gmail മന്ദഗതിയിലാവുന്ന സാഹചര്യങ്ങള്‍ ഉണ്ടാവാറുണ്ട്. എന്നാല്‍, മെയില്‍ ഒറ്റയടിക്ക് ഡിലീറ്റ് ചെയ്യാന്‍ ഒരു പരിധി നല്‍കിയിട്ടുണ്ട്. ഈ പരിധിക്ക് കീഴില്‍ നിങ്ങള്‍ക്ക് ഒരേസമയം 100 മെയിലുകള്‍ ഇല്ലാതാക്കാം. ഈ ട്രിക്ക് വെബ് അധിഷ്ഠിത Gmail-ന് മാത്രമുള്ളതാണ്. അതിനാല്‍ ഇമെയില്‍ എങ്ങനെ ഡിലീറ്റ് ചെയ്യാം എന്ന് നോക്കാം…
ഇമെയില്‍ ബള്‍ക്ക് ഡിലീറ്റ് ചെയ്യുന്നതെങ്ങനെ?
ആദ്യം, നിങ്ങള്‍ക്ക് ആവശ്യമുള്ള ഇമെയിലുകള്‍ ശ്രദ്ധിക്കുക. ഈ ഇമെയിലുകള്‍ വായിക്കാത്തതായി അടയാളപ്പെടുത്തുകയോ അബദ്ധത്തില്‍ ഡിലീറ്റ് ചെയ്യപ്പെടാതിരിക്കാന്‍ മറ്റൊരു ഫോള്‍ഡറില്‍ സേവ് ചെയ്യുകയോ വേണം.
അടുത്ത ഘട്ടത്തില്‍ നിങ്ങളുടെ ഇന്‍ബോക്‌സ് തുറന്ന് സെര്‍ച്ച് ബാറില്‍: റീഡ് കമാന്‍ഡ് ടൈപ്പ് ചെയ്ത് എന്റര്‍ അമര്‍ത്തുക. നിങ്ങള്‍ വായിച്ച എല്ലാ ഇമെയിലുകളും Gmail കാണിക്കും. തുടര്‍ന്ന് ചെക്ക് ബോക്‌സില്‍ ക്ലിക്ക് ചെയ്ത് എല്ലാ ഇമെയിലുകളും ഒരേസമയം തിരഞ്ഞെടുക്കുക.
ഇത് 50-100 സന്ദേശങ്ങള്‍ തിരഞ്ഞെടുക്കും. തുടര്‍ന്ന് ഈ തിരയലുമായി പൊരുത്തപ്പെടുന്ന എല്ലാ സംഭാഷണങ്ങളും തിരഞ്ഞെടുക്കുക എന്ന ഓപ്ഷന്‍ ഗ്രേ നിറത്തില്‍ തിരഞ്ഞെടുത്ത സന്ദേശത്തോടൊപ്പം ദൃശ്യമാകും. നിങ്ങള്‍ ഇല്ലാതാക്കാന്‍ ആഗ്രഹിക്കാത്ത മെയിലുകള്‍ തിരഞ്ഞെടുത്തിട്ടില്ലെന്ന് പരിശോധിക്കുക.
സന്ദേശങ്ങള്‍ ഇല്ലാതാക്കാന്‍, ടാസ്‌ക്ബാറിലെ ട്രാഷ് ക്യാന്‍ ഐക്കണില്‍ ക്ലിക്ക് ചെയ്യുക. ടാസ്‌ക് ബാറില്‍ ക്ലിക്ക് ചെയ്താല്‍ ഉടന്‍ സ്ഥിരീകരിക്കാനുള്ള ഓപ്ഷന്‍ Gmail നല്‍കും. Ok ബട്ടണില്‍ ക്ലിക്ക് ചെയ്യുന്നതിലൂടെ, എല്ലാ ഇമെയിലുകളും ട്രാഷിലേക്ക് പോകും.