ഇഡിയുടെ ആശങ്ക വെറും സാങ്കല്‍പികം; കേരളം സുപ്രീംകോടതിയില്‍

On: October 1, 2022

ന്യൂഡല്‍ഹി: സ്വര്‍ണക്കടത്ത് കേസിലെ വിചാരണ ബംഗളൂരുവിലേക്ക് മാറ്റണമെന്ന ഇഡിയുടെ ആവശ്യത്തിനെതിരെ കേരളം സുപ്രീംകോടതിയില്‍.

വിചാരണ നടപടികള്‍ അട്ടിമറിക്കപ്പെടുമെന്ന ഇഡിയുടെ ആശങ്ക വെറും സാങ്കല്‍പികം മാത്രമാണെന്നും, തങ്ങളുടെ വാദം കേള്‍ക്കാതെ വിചാരണ മാറ്റാന്‍ ഉത്തരവിടരുതെന്നും കേരളം സുപ്രീംകോടതിയില്‍ ചൂണ്ടിക്കാട്ടി. അഡീഷണല്‍ ചീഫ് സെക്രട്ടറി ഡോ. വി. വേണുവാണ് ഇക്കാര്യം ആവശ്യപ്പെട്ട് സുപ്രീം കോടതിയെ സമീപിച്ചത്.

Previous Post: ഉത്തർപ്രദേശിലെ മദ്രസകളുടെ സമയക്രമത്തിൽ മാറ്റം; എല്ലാ ദിവസവും രാവിലെ ദേശീയ ഗാനം ആലപിക്കണമെന്നും ഉത്തരവ്

Next Post: യൂറോപ്യന്‍ പര്യടനം; മുഖ്യമന്ത്രിയും സംഘവും ഇന്ന് രാത്രിയോടെ തിരിക്കും

കൊവിഡ് വാക്‌സിൻ ഗുരുതര പാർശ്വഫലങ്ങൾക്ക് കാരണമാകും; തുറന്നു സമ്മതിച്ച് അസ്ട്രസെനെക

ന്യൂഡൽഹി: കൊവിഡ് വാക്‌സിൻ ഗുരുതര പാർശ്വഫലങ്ങൾക്ക് കാരണമാകുമെന്ന് സമ്മതിച്ച് പ്രമുഖ മരുന്ന് നിർമാതാക്കളായ അസ്ട്രസെനെക. കോവിഡ് സമയത്ത് ഇന്ത്യയിലും ലോകത്തെ മറ്റു രാജ്യങ്ങളിലും വ്യാപകമായി ഉപയോഗിച്ച കോവിഷീൽഡ്, വാക്സ്സെവരിയ എന്നീ വാക്സിനുകളുടെ നിർമാതാക്കളാണ് അസ്ട്രസെനെക. അസ്ട്രസെനെക ഈ വാക്സിനുകൾ വികസിപ്പിച്ചത് ഓക്സ്ഫോർഡ് യൂണിവേഴ്സിറ്റിയുമായി ചേർന്നാണ്. ഇതു രണ്ടും ആഗോള തലത്തിൽ വ്യാപകമായി ഉപയോഗിച്ചിരുന്നു. അസ്ട്രസെനെക നിർമിച്ച വാക്സിനുകൾ ഗുരുതരമായ പാർശ്വഫലങ്ങൾ ഉണ്ടാക്കുന്നുവെന്ന് കാട്ടി വിവിധ രാജ്യങ്ങളിൽ നിരവധിപ്പേർ പരാതിപ്പെട്ടിരുന്നു. ഇക്കാര്യം ഉന്നയിച്ച് നിരവധി പേർ കോടതിയെ സമീപിക്കുകയും ചെയ്തിരുന്നു. വാക്‌സിൻ ഉപയോഗിച്ചവരിൽ കൂടുതൽ പാർശ്വഫലങ്ങൾ കണ്ടെത്തിയത് യുകെയിലാണ്. കമ്പനിക്കെതിരേ കൂടുതൽ നിയമനടപടികൾ സ്വീകരിച്ചതും യുകെയിൽ തന്നെയാണ്. 2021 ഏപ്രിൽ 21ന് യുകെ സ്വദേശിയായ ജെയ്മി സ്‌കോട്ടിന് വാക്സിൻ എടുത്തതിനു പിന്നാലെ മസ്തിഷ്‌കാഘാതം സംഭവിച്ചതോടെയാണ് നിയമനടപടികൾ ആരംഭിച്ചത്. വാക്സിൻ എടുത്ത ശേഷം തന്റെ രക്തം കട്ടപിടിക്കുന്നതായും രക്തത്തിലെ പ്ലേറ്റ്ലെറ്റുകളുടെ എണ്ണം ഗണ്യമായി കുറയുന്നതായും മെഡിക്കൽ റിപ്പോർട്ടുകൾ സഹിതമാണ് ജാമി സ്‌കോട്ട് നിയമനടപടിയ്ക്കായുള്ള പോരാട്ടം തുടങ്ങിയത്.
ശൈലജ ടീച്ചറെ മുസ്ലീം വിരുദ്ധയായി ചിത്രീകരിക്കാൻ യുഡിഎഫ് കേന്ദ്രങ്ങൾ ശ്രമിച്ചു; ജില്ലാ കമ്മിറ്റി

കോഴിക്കോട്: യുഡിഎഫിനെതിരെ ആരോപണവുമായി സിപിഎം കോഴിക്കോട് ജില്ലാ കമ്മിറ്റി. മുൻകാലങ്ങളിൽ നിന്ന് വ്യത്യസ്തമായി ഇടതുപക്ഷവുമായി അടുക്കുന്ന മുസ്ലീം സമുദായ ധാരകളിൽ സാമുദായികമായ ധ്രുവീകരണമുണ്ടാക്കാൻ യുഡിഎഫ് കേന്ദ്രങ്ങൾ ശ്രമിച്ചുവെന്നാണ് ആരോപണം. തിരഞ്ഞെടുപ്പിൽ കേന്ദ്ര-സർക്കാരിന്റെ വർഗീയ സാമ്പത്തിക നയങ്ങളെ വിമർശിക്കുകയോ ചർച്ച ചെയ്യുകയോ ചെയ്യാതെ ശൈലജ ടീച്ചറെ മുസ്ലീം വിരുദ്ധയായി ചിത്രീകരിക്കാനും അശ്ലീല പ്രചാരണങ്ങൾ നടത്തി അപകീർത്തിപ്പെടുത്താനും യുഡിഎഫ് കേന്ദ്രങ്ങൾ തുടർച്ചയായി ശ്രമിച്ചുവെന്നും ജില്ലാ കമ്മിറ്റി അറിയിച്ചു. വാർത്താക്കുറിപ്പിലൂടെയാണ് സിപിഎം ഇക്കാര്യം അറിയിച്ചത്. വടകര ലോക്സഭാ മണ്ഡലത്തിൽ യുഡിഎഫ് സ്ഥാനാർഥിക്ക് വേണ്ടി സാമൂഹ്യ മാധ്യമങ്ങളിലൂടെ ശൈലജ ടീച്ചർക്കെതിരായി നടത്തിയ കടുത്ത വർഗീയ വിദ്വേഷ പ്രചാരണവും ലൈംഗികാധിക്ഷേപങ്ങളും തിരഞ്ഞെടുപ്പിന് ശേഷവും തുടർന്നു കൊണ്ടുപോകാനുള്ള നീക്കം നടത്തുന്നുണ്ട്. യാതൊരുവിധ സാമൂഹ്യ ഉത്തരവാദിത്വവുമില്ലാത്ത യൂത്ത് കോൺഗ്രസ് നേതാക്കളും യുഡിഎഫ് സ്ഥാനാർഥിയുടെ ആശ്രിതരുമാണ് ഇത്തരം പ്രചാരണം നടത്തിക്കൊണ്ടിരിക്കുന്നത്. ഇത്തരം നെറികെട്ട പ്രചാരണങ്ങളെയും കുടിലതകളെയും അതിജീവിച്ച് എൽ.ഡി.എഫ് വടകരയിൽ തിളക്കമാർന്ന നിലയിൽ വിജയിക്കുമെന്ന കാര്യം ഉറപ്പാണെന്നും വാർത്താക്കുറിപ്പിൽ വിശദമാക്കുന്നുണ്ട്. വടകരയിൽ തോൽവി ഉറപ്പിച്ചത് യുഡിഎഫ് കേന്ദ്രങ്ങളെ കൂടുതൽ അസ്വസ്ഥരാക്കുന്നു എന്നത് സ്വാഭാവികമാണ്. വർഗീയ വിഷംചീറ്റി നടക്കുന്ന സംഘപരിവാറുകാരിയുമായി കെ കെ ശൈലജ ടീച്ചറെ പോലുള്ള സാമൂഹ്യ അംഗീകാരമുള്ള ഒരു മതനിരപേക്ഷ വ്യക്തിത്വത്തെ താരതമ്യപ്പെടുത്തിയുള്ള അധിക്ഷേപ പോസ്റ്റ് യൂത്ത് കോൺഗ്രസിന്റെ സംസ്ഥാന പ്രസിഡന്റ് തന്നെ ഇട്ടിരിക്കുന്നു എന്നത് ഇതിന്റെ ഭാഗമായിട്ടേ കാണാനാകൂവെന്നും സിപിഎം കൂട്ടിച്ചേർത്തു.
ട്വന്റി 20 ലോകകപ്പിലെ ഇന്ത്യൻ ടീമിനെ പ്രഖ്യാപിച്ചു; ടീമിൽ ഇടംനേടി സഞ്ജു സാംസൺ

മുംബൈ: ട്വന്റി 20 ലോകകപ്പിലെ ഇന്ത്യൻ ടീമിനെ പ്രഖ്യാപിച്ചു. മലയാളി താരം സഞ്ജു സാംസൺ ടീമിൽ ഉൾപ്പെട്ടു. വിക്കറ്റ് കീപ്പറായി സഞ്ജു സാംസൺ ലോകകപ്പിൽ കളിക്കും. ഋഷഭ് പന്തും വിക്കറ്റ് കീപ്പറായി തന്നെ ലോകകപ്പ് ടീമിലുണ്ട്. രോഹിത് ശർമ നയിക്കുന്ന ടീമിൽ ഹാർദിക് പാണ്ഡ്യയാണു വൈസ് ക്യാപ്റ്റൻ. അതേസമയം, സീനിയർ താരം കെ എൽ രാഹുലിനെ ടീമിൽ നിന്ന് ഒഴിവാക്കി. റിസർവ് താരങ്ങളായി ശുഭ്മൻ ഗിൽ, ഖലീൽ അഹമ്മദ്, റിങ്കു സിങ്, ആവേശ് ഖാൻ എന്നിവരും ഇന്ത്യൻ ടീമിനൊപ്പമുണ്ടാകും. ജൂൺ രണ്ടിനാണ് ട്വന്റി20 ലോകകപ്പ് മത്സരങ്ങൾ ആരംഭിക്കുന്നത്. ജൂൺ അഞ്ചിന് അയർലൻഡിനെതിരെയാണ് ഇന്ത്യയുടെ ആദ്യ മത്സരം നടക്കുന്നത്. സഞ്ജു സാംസൺ ഇന്ത്യയ്ക്കായി ട്വന്റി 20യിൽ അരങ്ങേറ്റിയത് 2015 ജൂലൈയിൽ സിംബാബ്‌വെയ്‌ക്കെതിരെയാണ്. ഇതുവരെ 25 രാജ്യാന്തര മത്സരങ്ങളിൽ നിന്നായി 374 റൺസ് സഞ്ജു സാംസൺ നേടിയിട്ടുണ്ട്.
വന്ദേ മെട്രോ, വന്ദേഭാരത് സ്ലീപ്പർ ട്രെയിനുകൾ ട്രയൽ റണ്ണിന് തയ്യാറെടുക്കുന്നു; 50 പുഷ്പുൾ ട്രെയിനുകൾ പുറത്തിറക്കും

ന്യൂഡൽഹി: വന്ദേ മെട്രോ, വന്ദേഭാരത് സ്ലീപ്പർ ട്രെയിനുകൾ ട്രയൽ റണ്ണിന് തയ്യാറെടുക്കുന്നു. രാജ്യത്തെ വിവിധ സ്റ്റേഷനുകളെ ബന്ധിപ്പിച്ചുള്ള ട്രെയിനുകളുടെ പരീക്ഷണ ഓട്ടം ജൂലായ് മാസത്തോടെ നടത്താൻ റെയിൽവേ പദ്ധതിയിടുന്നു. വന്ദേമെട്രോ ട്രെയിനുകളുടെ പരീക്ഷണ ഓട്ടമായിരിക്കും ആദ്യം നടത്തുക. 50 പുഷ്-പുൾ അമൃത് ഭാരത് ട്രെയിനുകൾ ഈ വർഷം തന്നെ പുറത്തിറക്കാൻ കേന്ദ്രസർക്കാരിന് പദ്ധതിയിടുന്നുണ്ടെന്ന് ദേശീയ മാദ്ധ്യമങ്ങൾ റിപ്പോർട്ട് ചെയ്യുന്നു. രണ്ടുവശത്തും എൻജിനുകളുള്ള ട്രെയിനാകും ഇത്. യൂറോപ്യൻ രാജ്യങ്ങളിൽ സർവീസ് നടത്തുന്ന രീതിയിലുള്ള കോൺ ആകൃതിയിലുള്ള ട്രെയിനുകളും അടുത്തവർഷം ട്രാക്കിൽ ഇറക്കാൻ ഇന്ത്യൻ റെയിൽവേയ്ക്ക് പദ്ധതിയുണ്ട്. പുതിയ 50 ട്രെയിനുകളാണ് വന്ദേ മെട്രോ, വന്ദേഭാരത് സ്ലീപ്പർ വിഭാഗത്തിൽ പുറത്തിറക്കുക. വന്ദേഭാരത് വൻ ഹിറ്റായി ഓടുന്ന കേരളത്തിന് പുതിയ ട്രെയിനുകളുടെ റൂട്ട് പ്രഖ്യാപിക്കുമ്പോൾ പരിഗണന ലഭിക്കുമെന്നാണ് സൂചന. വന്ദേ മെട്രോ ട്രെയിനുകളാകും ആദ്യം പരീക്ഷണ ഓട്ടത്തിനായി എത്തുക. 100 മുതൽ 250 കിലോമീറ്റർ വരെയുള്ള റൂട്ടുകളെ തമ്മിൽ ബന്ധിപ്പിക്കുന്നതാകും ഈ സർവീസ്. പൂർണമായും എ.സി ട്രെയിനുകളായിരിക്കും ഇതെന്നാണ് പുറത്തുവരുന്ന വിവരം.
കനേഡിയൻ പ്രധാനമന്ത്രി ഖലിസ്ഥാൻ അനുകൂല പരിപാടിയിൽ പ്രസംഗിച്ച സംഭവം; പ്രതിഷേധമറിയിച്ച് ഇന്ത്യ

ന്യൂഡൽഹി: കനേഡിയൻ പ്രധാനമന്ത്രി ജസ്റ്റിൻ ട്രൂഡോ ഖലിസ്ഥാൻ അനുകൂല പരിപാടിയിൽ പ്രസംഗിച്ച സംഭവത്തിൽ പ്രതിഷേധമറിയിച്ച് ഇന്ത്യ. ഇന്ത്യയിലെ കനേഡിയൻ ഹൈക്കമ്മിഷണറെ വിളിച്ചു വരുത്തിയാണ് ഇന്ത്യ പ്രതിഷേധം അറിയിച്ചത്. ഏപ്രിൽ 28ന് ടൊറന്റോയിൽ നടന്ന ഖൽസ പരേഡിലായിരുന്നു ജസ്റ്റിൻ ട്രൂഡോ പങ്കെടുത്തത്. സിഖ് സമുദായത്തിന്റെ അവകാശങ്ങൾ എന്തുവിലകൊടുത്തും സംരക്ഷിക്കുമെന്ന് പ്രസംഗത്തിൽ ജസ്റ്റിൻ ട്രുഡോ പറഞ്ഞത്. ജസ്റ്റിൻ ട്രൂഡോ സംസാരിക്കാനായി വേദിയിലേക്ക് കയറവേ ‘ഖലിസ്ഥാൻ സിന്ദാബാദ്’ വിളികൾ ഉയരുകയായിരുന്നു. സംസാരിക്കുന്നതിനിടെയും ഖലിസ്ഥാൻ അനുകൂല മുദ്രാവാക്യങ്ങൾ ഉയർന്നു. പ്രതിപക്ഷനേതാവ് പിയറി പൊയിലിവർ സംസാരിക്കാനായി വേദിയിലേക്ക് കയറുമ്പോഴും സമാനമായ സ്ഥിതിയുണ്ടായിരുന്നു. സംഭവത്തിൽ ഇന്ത്യയുടെ പ്രതിഷേധവും ആശങ്കയും ഹൈക്കമ്മിഷണറെ അറിയിച്ചതായി ഇന്ത്യൻ വിദേശകാര്യമന്ത്രാലയം പുറത്തിറക്കിയ പ്രസ്താവനയിൽ വ്യക്തമാക്കിയിട്ടുണ്ട്.