മെല്ബണ്: ഈ വര്ഷത്തെ ടി20 ലോകകപ്പില് വിജയിക്കുന്ന ടീമിന് 1.6 മില്യണ് ഡോളര് (ഏകദേശം 13 കോടി രൂപ) ക്യാഷ് പ്രൈസ് ലഭിക്കുമെന്ന് ഐസിസി പ്രഖ്യാപിച്ചു. റണ്ണറപ്പിന് പകുതി തുകയും ലഭിക്കും. ഓസ്ട്രേലിയയിലാണ് മത്സരം നടക്കുന്നത്.
ഏകദേശം ഒരു മാസത്തോളം നീണ്ടുനില്ക്കുന്ന ടൂര്ണമെന്റില് 16 ടീമുകളാണ് മത്സരിക്കുന്നത്. സെമി ഫൈനലില് തോല്ക്കുന്ന ടീമിന് 4,00000 ഡോളര് (3.25 കോടി രൂപ) സമ്മാനത്തുക ലഭിക്കും.സൂപ്പര് 12 സ്റ്റേജില് എലിമിനേറ്റ് ചെയ്യപ്പെടുന്ന ഓരോ ടീമിനും 70,000 ഡോളര് (ഏകദേശം 57 ലക്ഷം രൂപ) ലഭിക്കും. സൂപ്പര് 12 സ്റ്റേജിലെ ഓരോ വിജയത്തിനും ടീമുകള്ക്ക് 40,000 ഡോളര് (ഏകദേശം 33 ലക്ഷം രൂപ) ലഭിക്കുന്നതാണ്.