പോപ്പുലർ ഫ്രണ്ട് നിരോധനം: തുടർ നടപടികൾ ഉടൻ സ്വീകരിക്കുമെന്ന് കേരളാ പോലീസ്

On: September 30, 2022

തിരുവനന്തപുരം: പോപ്പുലർ ഫ്രണ്ട് ഓഫ് ഇന്ത്യ എന്ന സംഘടനയ്ക്ക് നിരോധനം ഏർപ്പെടുത്തിയ സാഹചര്യത്തിൽ തുടർന്ന് സ്വീകരിക്കേണ്ട നടപടികൾ പോലീസ് ആസ്ഥാനത്തുചേർന്ന ഉന്നതതലയോഗം ചർച്ച ചെയ്തു. സംസ്ഥാന പോലീസ് മേധാവി അനിൽ കാന്ത് അധ്യക്ഷത വഹിച്ചു. പോപ്പുലർ ഫ്രണ്ട് ഓഫ് ഇന്ത്യയുടെ ഓഫീസുകൾ, വസ്തുവകകൾ എന്നിവ നിയമവിരുദ്ധമായി ഉപയോഗിക്കുന്നത് തടയുന്നതിനുവേണ്ടി നോട്ടിഫൈ ചെയ്യുന്നതിന് ജില്ലാ പോലീസ് മേധാവിമാർ നടപടി സ്വീകരിക്കും.

നിരോധിത സംഘടനയ്ക്ക് സാമ്പത്തികസഹായം ലഭിക്കുന്ന മാർഗ്ഗങ്ങൾ തടയുന്നതിനും ജില്ലാ പോലീസ് മേധാവിമാർ നടപടിയെടുക്കും. ഇതിനായി സർക്കാർ ഉത്തരവ് പ്രകാരം കൈമാറിയ അധികാരം ജില്ലാ പോലീസ് മേധാവിമാർ വിനിയോഗിക്കും. ജില്ലാ മജിസ്‌ട്രേട്ടുമാരുമായി ചേർന്നായിരിക്കും ഇക്കാര്യത്തിൽ ജില്ലാ പോലീസ് മേധാവിമാർ തുടർനടപടി സ്വീകരിക്കുക.

ഈ നടപടികൾ ക്രമസമാധാനവിഭാഗം എഡിജിപിയും മേഖല ഐജിമാരും റേഞ്ച് ഡി ഐ ജിമാരും നിരീക്ഷിക്കും. ഇതിന് ആവശ്യമായ നിർദ്ദേശങ്ങൾ സംസ്ഥാന പോലീസ് മേധാവി പുറപ്പെടുവിച്ചു. പോലീസ് ആസ്ഥാനത്ത് ചേർന്ന യോഗത്തിൽ എഡിജിപി മാരും ഐജിമാരും ഡിഐജിമാരും എല്ലാ ജില്ലാ പോലീസ് മേധാവിമാരും പങ്കെടുത്തു.

Previous Post: ഒമാനിൽ അവസരം

Next Post: സംസ്ഥാന സർക്കാർ പോപ്പുലർ ഫ്രണ്ടിനെ സംരക്ഷിക്കാൻ ശ്രമിക്കുന്നു: കെ സുരേന്ദ്രൻ

സംസ്ഥാനത്ത് തൽക്കാലം ലോഡ് ഷെഡ്ഡിംഗ് ഇല്ല: തീരുമാനം അറിയിച്ച് സർക്കാർ

തിരുവനന്തപുരം : കൊടും ചൂടിൽ വൈദ്യുതി ഉപഭോഗം കൂടിയെങ്കിലും സംസ്ഥാനത്ത് തൽക്കാലം ലോഡ് ഷെഡ്ഡിങ്
ശരിയായ വിധത്തിലുള്ള ചടങ്ങുകൾ ഇല്ലാതെ നടത്തുന്ന ഹൈന്ദവ വിവാഹങ്ങൾക്ക് സാധുതയില്ല: സുപ്രീംകോടതി

ന്യൂഡൽഹി: ശരിയായ വിധത്തിലുള്ള ചടങ്ങുകൾ ഇല്ലാതെ നടത്തുന്ന ഹൈന്ദവ വിവാഹങ്ങൾക്ക് സാധുതയില്ലെന്ന് സുപ്രീംകോടതി. ചടങ്ങുകളുടെ അഭാവത്തിൽ നടക്കുന്ന വിവാഹങ്ങൾ ഹിന്ദു മാരേജ് ആക്ടിന്റെ പരിധിയിൽ ഉൾപ്പെടുന്നില്ലെന്ന് സുപ്രീംകോടതി അറിയിച്ചു. ഹൈന്ദവ വിവാഹങ്ങൾ ഭക്ഷണവും സംഗീതവും അടങ്ങിയ പരിപാടിയല്ല. വാണിജ്യപരമായ ഇടപാട് അല്ലെന്നും കോടതി അഭിപ്രായപ്പെട്ടു. ജസ്റ്റിസുമാരായ ബി വി നഗരത്ന, അഗസ്റ്റിൻ ജോർജ് മാസിഹ് എന്നിവർ അടങ്ങിയ ബെഞ്ചാണ് ഇതു സംബന്ധിച്ച നിരീക്ഷണങ്ങൾ നടത്തിയത്. ഹൈന്ദവ വിവാഹങ്ങൾ ഒരു സംസ്കാരത്തിന്റെ ഭാഗമാണെന്നും കോടതി ചൂണ്ടിക്കാട്ടി. ഹൈന്ദവ വിവാഹങ്ങൾ വിശുദ്ധ കർമ്മമാണ്. ഇന്ത്യൻ സമൂഹത്തിൽ വലിയ മൂല്യങ്ങളുള്ള ഒരു സ്ഥാപനമെന്ന നിലയിൽ അതിന്റെ പദവി നൽകേണ്ടതുണ്ടെന്നും കോടതി കൂട്ടിച്ചേർത്തു. വിവാഹങ്ങൾ ആടാനും പാടാനും മാത്രമുള്ളതോ പിന്നീട് ക്രിമിനൽ നടപടികളുടെ ഭാഗമായ സമ്മർദ്ദങ്ങളിലേക്കോ നയിക്കാനുള്ള ഒന്നല്ല. വിവാഹം എന്നാൽ മഹത്തായ ഒന്നാണ്. ഒരു സ്ത്രീയും പുരുഷനും ഭർത്താവും ഭാര്യയുമായി മാറി ഇന്ത്യൻ സമൂഹത്തിന്റെ അടിസ്ഥാന ഘടകമായ കുടുംബമായി ഭാവിയിൽ പരിണമിക്കുന്ന പ്രക്രിയയാണെന്ന് കോടതി പറഞ്ഞു. പൈലറ്റുമാരായ ദമ്പതിമാരുടെ വിവാഹമോചന ഹർജി പരിഗണിക്കുകയായിരുന്നു കോടതി.
കോവിഡ് വാക്‌സിൻ സർട്ടിഫിക്കറ്റിൽ നിന്നും പ്രധാനമന്ത്രിയുടെ ചിത്രം ഒഴിവാക്കി

ന്യൂഡൽഹി: കോവിഡ് വാക്സിൻ സർട്ടിഫിക്കറ്റിൽ നിന്ന് പ്രധാനമന്ത്രി നരേന്ദ്രമോദിയുടെ ചിത്രം ഒഴിവാക്കി. കേന്ദ്ര ആരോഗ്യ മന്ത്രാലയം നൽകുന്ന കോവിഡ് വാക്‌സിൻ സർട്ടിഫിക്കറ്റിൽ നിന്നാണ് പ്രധാനമന്ത്രിയുടെ ചിത്രം ഒഴിവാക്കിയത്. ഒത്തൊരുമിച്ച് ഇന്ത്യ കോവിഡിനെ പരാജയപ്പെടുത്തും എന്ന വാചകം മാത്രമാണ് ഇപ്പോൾ സർട്ടിഫിക്കറ്റിൽ ഉള്ളത്. കോവിൻ വെബ്സൈറ്റിൽ ഇപ്പോൾ ലഭിക്കുന്നത് പ്രധാനമന്ത്രിയുടെ ചിത്രമില്ലാത്ത സർട്ടിഫിക്കറ്റ് ആണ്. ലോക്സഭാ തെരഞ്ഞെടുപ്പിന്റെ പെരുമാറ്റ ചട്ടത്തിന്റെ ഭാഗമായാണ് പുതിയ നടപടി എന്നാണ് ദേശീയ മാധ്യമങ്ങൾ റിപ്പോർട്ട് ചെയ്യുന്നത്. അതേസമയം കോവിഷീൽഡ് വാക്സിൻ കുത്തിവെച്ചവർക്ക് രക്തം കട്ടപിടിക്കുന്നത് ഉൾപ്പെടെയുള്ള പാർശ്വഫലങ്ങൾ ഉണ്ടാകുമെന്ന് നിർമാതാക്കൾ യു.കെ കോടതിയിൽ റിപ്പോർട്ട് നൽകിയിരുന്നു.
യുഎഇയിൽ കനത്ത മഴ: വിമാന സർവീസുകൾ റദ്ദാക്കി

അബുദാബി: യുഎഇയിൽ കനത്ത മഴ. അസ്ഥിരമായ കാലാവസ്ഥയുടെ പശ്ചാത്തലത്തിൽ നിരവധി വിമാനങ്ങൾ റദ്ദാക്കിയതായി എമിറേറ്റ്സ് എയർലൈൻസ് അറിയിച്ചു. മെയ് രണ്ടിന് ദുബായിൽ എത്തുന്നതോ ദുബായിൽ നിന്ന് പുറപ്പെടുന്നതോ ആയ വിമാനത്തിൽ യാത്ര ചെയ്യുന്നവർ കാലതാമസം പ്രതീക്ഷിക്കണമെന്നും എയർലൈൻസ് അധികൃതർ വ്യക്തമാക്കി. യാത്രക്കാർക്ക് അസൗകര്യം നേരിടുന്നതിൽ എയർലൈൻസ് കമ്പനി ഖേദം പ്രകടിപ്പിച്ചു. ടിക്കറ്റ് റീ ബുക്ക് ചെയ്യാൻ താല്പര്യമുള്ളവർക്ക് ട്രാവൽ ഏജന്റുമാരെ സമീപിക്കാം. അല്ലെങ്കിൽ സമീപത്തുള്ള എമിറേറ്റ്സ് ഓഫീസുമായി ബന്ധപ്പെടാമെന്നും അധികൃതർ അറിയിച്ചു. എല്ലാ റീ – ബുക്കിങ് ചാർജുകൾ ഒഴിവാക്കി. ദുബായ് അന്താരാഷ്ട്ര വിമാനത്താവളം വഴി യാത്ര ചെയ്യേണ്ട, കാറിലോ പൊതുഗതാഗതത്തിലോ യാത്ര പുറപ്പെടുന്ന ഉപഭോക്താക്കൾ മോശം കാലാവസ്ഥ പരിഗണിച്ച് കുറച്ച് സമയം അധികം കണക്കാക്കി ഇറങ്ങണമെന്ന് അധികൃതർ നിർദ്ദേശം നൽകി
അയോധ്യ ക്ഷേത്രത്തിൽ ദർശനം നടത്താൻ രാഷ്ട്രപതി

ന്യൂഡൽഹി: രാമക്ഷേത്ര ദർശനത്തിനായി അയോദ്ധ്യയിൽ എത്തി രാഷ്ട്രപതി ദ്രൗപതി മുർമു. അയോധ്യയിലെത്തിയ രാഷ്ട്രപതിയെ ഉത്തർപ്രദേശ് ഗവർണർ ആനന്ദീബെൻ പട്ടേലാണ് സ്വീകരിച്ചത്. ആദ്യമായാണ് രാഷ്‌ട്രപതി അയോദ്ധ്യയിൽ എത്തുന്നത്. രാമ ക്ഷേത്രത്തിൽ എത്തുന്നതിനു മുൻപ് രാഷ്ട്രപതി ഹനുമാൻ ഗാർഹി ക്ഷേത്രത്തിലെത്തി പ്രാർത്ഥന നടത്തിയിരുന്നു. സരയൂ നദി തീരത്തെ ആരതിയിലും ദ്രൗപതി മുർമു പങ്കെടുത്തു. അതേസമയം രാഷ്ട്രപതി ക്ഷേത്രദർശനം നടത്തുന്ന സമയത്ത് ഭക്തർക്ക് നിയന്ത്രണം ഒന്നും ഉണ്ടാകില്ലെന്നാണ് റിപ്പോർട്ടുകൾ. നിലവിലെ സമയക്രമം അനുസരിച്ച് ദർശനം നടക്കുമെന്നും ഭക്തർക്കായുള്ള ക്യൂ സംവിധാനം നില നിർത്തുമെന്നും ആണ് ക്ഷേത്ര ഭാരവാഹികൾ വ്യക്തമാക്കിയിരിക്കുന്നത്. മൂന്ന് മണിക്കൂറോളം നേരം രാഷ്ട്രപതി അയോധ്യാനഗരത്തിൽ ഉണ്ടാകും. രാഷ്ട്രപതിയുടെ സന്ദർശനത്തോടനുബന്ധിച്ച് അയോധ്യ- ഗോരഖ്പൂർ ദേശീയപാതയിൽ വാഹനങ്ങൾ വഴിതിരിച്ചു വിട്ടു.