അബുദാബി: യുഎഇയിൽ കനത്ത മഴ. അസ്ഥിരമായ കാലാവസ്ഥയുടെ പശ്ചാത്തലത്തിൽ നിരവധി വിമാനങ്ങൾ റദ്ദാക്കിയതായി എമിറേറ്റ്സ് എയർലൈൻസ് അറിയിച്ചു. മെയ് രണ്ടിന് ദുബായിൽ എത്തുന്നതോ ദുബായിൽ നിന്ന് പുറപ്പെടുന്നതോ ആയ വിമാനത്തിൽ യാത്ര ചെയ്യുന്നവർ കാലതാമസം പ്രതീക്ഷിക്കണമെന്നും എയർലൈൻസ് അധികൃതർ വ്യക്തമാക്കി.
യാത്രക്കാർക്ക് അസൗകര്യം നേരിടുന്നതിൽ എയർലൈൻസ് കമ്പനി ഖേദം പ്രകടിപ്പിച്ചു.
ടിക്കറ്റ് റീ ബുക്ക് ചെയ്യാൻ താല്പര്യമുള്ളവർക്ക് ട്രാവൽ ഏജന്റുമാരെ സമീപിക്കാം. അല്ലെങ്കിൽ സമീപത്തുള്ള എമിറേറ്റ്സ് ഓഫീസുമായി ബന്ധപ്പെടാമെന്നും അധികൃതർ അറിയിച്ചു. എല്ലാ റീ – ബുക്കിങ് ചാർജുകൾ ഒഴിവാക്കി.
ദുബായ് അന്താരാഷ്ട്ര വിമാനത്താവളം വഴി യാത്ര ചെയ്യേണ്ട, കാറിലോ പൊതുഗതാഗതത്തിലോ യാത്ര പുറപ്പെടുന്ന ഉപഭോക്താക്കൾ മോശം കാലാവസ്ഥ പരിഗണിച്ച് കുറച്ച് സമയം അധികം കണക്കാക്കി ഇറങ്ങണമെന്ന് അധികൃതർ നിർദ്ദേശം നൽകി