സംസ്ഥാനത്ത് 652 ലഹരിക്കേസുകളാണ് കഴിഞ്ഞ തിങ്കള്‍ മുതല്‍ വ്യാഴം വരെയുള്ള ദിവസങ്ങളില്‍ രജിസ്റ്റര്‍ ചെയ്തതെന്ന് റിപ്പോര്‍ട്ട്. എറണാകുളത്തും, തൃശൂരുമാണ് കൂടുതല്‍ കേസുകള്‍ റിപ്പോര്‍ട്ട് ചെയ്തിരിക്കുന്നത്. 775 കിലോഗ്രാം കഞ്ചാവാണ് പലരില്‍ നിന്നായി പിടിച്ചെടുത്തത്. ഈ നാല് ദിവസത്തിനിടയില്‍ ഒന്നര കിലോ എംഡിഎംഎയും പിടിച്ചെടുത്തു.
അതേസമയം, കേരളത്തിലേക്ക് എംഡിഎംഎ എത്തുന്നത് വര്‍ധിച്ചുവെന്നാണ് കണക്കുകള്‍ ചൂണ്ടിക്കാട്ടുന്നത്. പിടിച്ചവയില്‍ ബ്രൗണ്‍ഷുഗറും,ഹെറോയിനും, എല്‍എസ്ഡി സ്റ്റാമ്പും ഉള്‍പ്പെടും. അനധികൃതമായി കടത്താന്‍ ശ്രമിച്ച 490 ലിറ്റര്‍ സ്പിരിറ്റും പിടിച്ചെടുത്തിട്ടുണ്ട്. 2886 അബ്കാരി കേസുകളാണ് രജിസ്റ്റര്‍ ചെയ്തത്.