ട്രാന്‍സ് കമ്മ്യൂണിറ്റിയിലെ അംഗങ്ങള്‍ക്കായി പുതിയ മാട്രിമോണിയല്‍ ആപ്പായ റെയിന്‍ബോ ലവ് ലോഞ്ച് ചെയ്തു. ആപ്പ് ലോഞ്ച് ചെയ്തിരിക്കുന്നത് മാച്ച് മേക്കിംഗ് സേവനമായ മാട്രിമോണി.കോം ആണ്. പ്രാദേശിക ഭാഷകളുടെ പിന്തുണയോടെയാണ് ആപ്പ് പുറത്തിറക്കിയിരിക്കുന്നത്.
ഐഒഎസ്, ആന്‍ഡ്രോയിഡ് സ്മാര്‍ട്ട്ഫോണുകളില്‍ ഡൗണ്‍ലോഡ് ചെയ്യാന്‍ കഴിയുന്ന തരത്തില്‍ റെയിന്‍ബോ ലവ് ലഭ്യമാണ്. സുരക്ഷാ ആവശ്യങ്ങള്‍ക്കായി ഉപയോക്താക്കള്‍ക്ക് സര്‍ക്കാര്‍ നല്‍കിയ തിരിച്ചറിയല്‍ രേഖ ഇതിനായി നല്‍കേണ്ടതുണ്ട്. കമ്മ്യൂണിറ്റിയെക്കുറിച്ചുള്ള ഔദ്യോഗിക ഡാറ്റകളുടെ അഭാവം ഉണ്ടായിട്ടും രാജ്യത്ത് 11 ദശലക്ഷത്തിനും 13 ദശലക്ഷത്തിനും ഇടയില്‍ ഉപയോക്താക്കള്‍ക്ക് സേവനം നല്‍കാന്‍ ആപ്പ് ശ്രമിക്കുന്നുണ്ടെന്നാണ് റിപ്പോര്‍ട്ട്.
ഗൂഗിള്‍ പ്ലേ സ്റ്റോറിലൂടെയും ആപ്പ് സ്റ്റോറിലൂടെയും റെയിന്‍ബോ ലവ് ഡൗണ്‍ലോഡ് ചെയ്യാവുന്നതാണ്. 122-ലധികം ഓറിയന്റേഷന്‍ ടാഗുകളും 48 പ്രോനൗണ്‍സും 45 ജെന്‍ഡര്‍ ഐഡന്റിറ്റികളും ഉള്‍ക്കൊള്ളുന്നുവെന്ന് റിപ്പോര്‍ട്ട് പറയുന്നു. ഉപയോക്താക്കള്‍ക്ക് ഐഒഎസ്, ആന്‍ഡ്രോയിഡ് സ്മാര്‍ട്ട്ഫോണുകളില്‍ ആപ്പ് ഇന്‍സ്റ്റാള്‍ ചെയ്യാം, എന്നാല്‍ സെല്‍ഫി പരിശോധനയ്ക്കൊപ്പം സര്‍ക്കാര്‍ നല്‍കിയ ഐഡന്റിഫിക്കേഷന്‍ കൂടി സമര്‍പ്പിക്കേണ്ടതുണ്ട്. സേവനത്തിന്റെ സുരക്ഷാ നടപടികളുടെ ഭാഗമായാണിത്.