ആൽക്കലൈൻ ഡയറ്റിനെ കുറിച്ച് കേട്ടിട്ടുണ്ടോ. അസിഡിറ്റി ഉള്ള ഭക്ഷണങ്ങൾക്ക് പകരം അസിഡിക് അല്ലാത്ത ഭക്ഷണങ്ങൾ കഴിക്കുക എന്ന ആശയത്തെ അടിസ്ഥാനമാക്കിയുള്ളതാണിത്. പച്ചക്കറികൾ, പഴങ്ങൾ, പരിപ്പ്, പയർവർഗ്ഗങ്ങൾ തുടങ്ങിയ ആൽക്കലൈൻ ഭക്ഷണങ്ങൾ നിങ്ങളുടെ ശരീരത്തിന്റെ പിഎച്ച് സന്തുലിതമാക്കാൻ സഹായിക്കും. അസിഡിക് ഭക്ഷണങ്ങൾ ഒഴിവാക്കുന്നത് ആരോഗ്യം മെച്ചപ്പെടുത്തുത്തുകയും ചെയ്യും. ആൽക്കലൈൻ ഭക്ഷണങ്ങൾ എന്തൊക്കെയാണെന്ന് നോക്കാം.
ഏത്തപ്പഴം ആൽക്കലൈൻ ഭക്ഷണമാണ്. ഏത്തപ്പഴം നാരുകളുടെ മികച്ച ഉറവിടം കൂടിയാണ്. ഇത് ദഹന ക്രമത്തെ പ്രോത്സാഹിപ്പിക്കുകയും ദഹനം മെച്ചപ്പെടുത്തുകയും ചെയ്യും. മറ്റൊരു ആൽക്കലൈൻ ഭക്ഷണമാണ് വെള്ളരിക്ക. ആസിഡുകളെ പെട്ടെന്ന് നിർവീര്യമാക്കാനും ദഹനത്തെ സഹായിക്കാനും കഴിവുള്ളവയാണിത്. വിറ്റാമിൻ കെ, സി, വിവിധ ബി വിറ്റാമിനുകൾ എന്നിവയുടെ മികച്ച ഉറവിടമാണ് വെള്ളരിക്ക. വെള്ളരിയിൽ കലോറി കുറവാണ്. ആന്റിഓക്‌സിഡന്റ് ആന്റി-ഇൻഫ്ലമേറ്ററി ഗുണങ്ങളുമുണ്ട്. ഭക്ഷണത്തിൽ വെള്ളരിക്കാ ഉൾപ്പെടുത്തുന്നത് ഹൃദ്രോഗ സാധ്യത കുറയ്ക്കാനും ദഹനം മെച്ചപ്പെടുത്താനും സഹായിക്കും.
മികച്ച ആൽക്കലൈൻ ഭക്ഷണങ്ങളിൽ ഒന്നാണ് ചെരുനാരങ്ങ. നാരങ്ങയിലുള്ള പൊട്ടാസ്യം, മഗ്നീഷ്യം തുടങ്ങിയ ആൽക്കലൈൻ ധാതുക്കൾ ശരീരത്തിൽ ആൽക്കലൈസിംഗ് ഇഫക്റ്റുകൾ ഉണ്ടാക്കുന്നു. അവയിലെ സിട്രിക് ആസിഡ് സ്വാഭാവിക അവസ്ഥയിൽ ഉയർന്ന അസിഡിറ്റി ഉള്ളതാണ്. എന്നാൽ കാൽസ്യം, ഇരുമ്പ്, വിറ്റാമിനുകൾ എ, സി, ബി കോംപ്ലക്സ്, പെക്റ്റിൻ ഫൈബർ, കാർബോഹൈഡ്രേറ്റ് എന്നിവയുടെ നല്ല ഉറവിടമാണ് നാരങ്ങ.