തിരുവനന്തപുരം: നാഷണൽ ഇൻസ്റ്റിറ്റ്യൂട്ട് ഓഫ് സ്പീച്ച് ആൻഡ് ഹിയറിംഗിൽ ഒഴിവുകൾ. കോളേജ് ഓഫ് ഒക്യുപേഷണൽ തെറാപ്പിയിലെ വിവിധ തസ്തികകളിലേക്ക് ഒക്യുപേഷണൽ തെറാപ്പിസ്റ്റുകളിൽ നിന്ന് അപേക്ഷ ക്ഷണിച്ചു. സെപ്തംബർ 16 ആണ് അപേക്ഷിക്കേണ്ട അവസാന തീയതി. കൂടുതൽ വിവരങ്ങൾക്കായി http://nish.ac.in/others/career എന്ന വെബ്‌സൈറ്റ് സന്ദർശിക്കാം.
കേൾവിയിലും സംസാരത്തിലും വിഷമതകൾ നേരിടുന്നവരെ തിരിച്ചറിഞ്ഞ് അവരുടെ പുനരധിവാസം, വിദ്യാഭ്യാസം തുടങ്ങിയ കാര്യങ്ങളിൽ ശ്രദ്ധകേന്ദ്രീകരിച്ചിരിക്കുന്ന സ്ഥാപനമാണ് നിഷ്.
1997 ലാണ് നിഷ് സ്ഥാപിതമായത്. ശ്രവണ സംസാര വിഷയങ്ങളിൽ പ്രശ്‌നങ്ങൾ നേരിടുന്നവരുടെ ജീവിത നിലവാരം മെച്ചപ്പെടുത്തുന്നതിന് വലിയ സംഭാവനകൾ നൽകുന്ന സ്ഥാപനമാണിത്. വൈകല്യങ്ങളുളള ജനതയ്ക്ക് മെച്ചപ്പെട്ട ഭാവി ജീവിതം ഉറപ്പാക്കുന്നതിനു വേണ്ടി വിവിധ പദ്ധതികൾ ആവിഷ്‌കരിക്കുന്നതിൽ നിഷ് മാർഗ്ഗദർശകത്വം നൽകുകയും ചെയ്യുന്നുണ്ട്.