മുഖസൗന്ദര്യം വർദ്ധിപ്പിക്കാൻ വേണ്ടി നമ്മളിൽ പലരും പല ഉത്പ്പന്നങ്ങളും മുഖത്ത് തേയ്ക്കാറുണ്ട്. എന്നാൽ, അശാസ്ത്രീയമായ രീതിയിൽ ചെയ്യുന്ന പല പരീക്ഷണങ്ങളും മുഖത്തിന് പ്രതികൂലമായി ബാധിക്കാനുള്ള സാധ്യത കൂടുതലാണ്. മുഖത്ത് പുരട്ടാൻ പാടില്ലാത്ത സാധനങ്ങൾ എന്തൊക്കെയാണെന്ന് നോക്കാം.
ചെറുനാരങ്ങാ നീര് ഒരിക്കലും നേരിട്ട് മുഖത്ത് പുരട്ടരുത്. ചെറുനാരങ്ങയിൽ അടങ്ങിയിരിക്കുന്ന ആസിഡിന്റെ അംശം മുഖത്തെ മൃദുലമായ ചർമ്മത്തെ ബാധിക്കും. ആപ്പിൾ സൈഡർ വിനിഗറും മുഖത്ത് നേരിട്ട് പുരട്ടുന്നത് നല്ലതല്ല. ഉയർന്ന അളവിൽ ആസിഡ് അടങ്ങിയ ആപ്പിൾ സൈഡർ വിനിഗർ നേരിട്ട് മുഖത്ത് പുരട്ടുമ്പോൾ ചിലരിൽ പൊള്ളൽ, പാടുകൾ, ചെറിയ കുരുക്കൾ, കറുപ്പ് നിറം എന്നിവ ഉണ്ടാക്കും. അശാസ്ത്രീയമായ രീതിയിൽ ഒരിക്കലും ആപ്പിൾ സൈഡർ വിനിഗർ മുഖത്ത് പുരട്ടാതിരിക്കാൻ ശ്രദ്ധിക്കണം.
മുഖം ചൂടുവെള്ളം ഉപയോഗിച്ച് കഴുകുന്നതും അത്ര നല്ലതല്ല. ചൂടുവെള്ളം ഉപയോഗിക്കുമ്പോൾ മുഖത്തെ ജലാംശം വറ്റാനും മുഖം കൂടുതൽ ഡ്രൈ ആകാനും സാധ്യതയുണ്ട്. ചൂടുവെള്ളം ഉപയോഗിക്കുന്നതിന് പകരം, മുഖത്ത് ആവി കൊള്ളുന്നതാണ് നല്ലത്.