ന്യൂഡല്‍ഹി: ഇന്ത്യയുടെ മികച്ച വനിതാ പേസര്‍ ജൂലന്‍ ഗോസ്വാമി രാജ്യാന്തര ക്രിക്കറ്റില്‍ നിന്ന് വിരമിക്കുന്നു. സെപ്തംബര്‍ 24ന് ഇംഗ്ലണ്ടിനെതിരെ ലോര്‍ഡ്സില്‍ നടക്കുന്ന ഏകദിനം ജൂലന്‍ ഗോസ്വാമിയുടെ വിടവാങ്ങല്‍ മത്സരമായിരിക്കുമെന്ന് ബിസിസിഐ വൃത്തങ്ങള്‍ പറഞ്ഞു.
ബംഗാള്‍ സ്വദേശിയായ ജൂലന്‍ തന്റെ 39ാം വയസ്സിലാണ് വിരമിക്കുന്നത്. ഏറ്റവുമധികം വിക്കറ്റ് നേടിയ ക്രിക്കറ്റ് താരമെന്ന റെക്കോര്‍ഡിന് ഉടമയാണ്. ഏകദിനത്തില്‍ 252 വിക്കറ്റ് നേടിയ ബംഗാള്‍ സ്വദേശിയായ താരം ടെസ്റ്റില്‍ 44ഉം ട്വന്റി 20യില്‍ 56 വിക്കറ്റ് വീതവും നേടിയിട്ടുണ്ട്. 2002ല്‍ ഇംഗ്ലണ്ടിനെതിരെ 19ാം വയസിലായിരുന്നു ജൂലന്‍ ഗോസ്വാമിയുടെ രാജ്യന്തര അരങ്ങേറ്റം.