മഴക്കാലമായതോടെ പനി, ചുമ, ജലദോഷം തുടങ്ങിയ അസുഖങ്ങളും ഉടലെടുത്തിരിക്കുകയാണ്. മഴക്കാലത്ത് രോഗങ്ങൾ വരാതിരിക്കാൻ ആരോഗ്യം നന്നായി ശ്രദ്ധിക്കേണ്ടതുണ്ട്. നിങ്ങളുടെ ഭക്ഷണ ശീലങ്ങളിൽ ചെറിയ മാറ്റങ്ങൾ വരുത്തുന്നതിലൂടെ ആരോഗ്യം സംരക്ഷിക്കാൻ കഴിയും. ശരിയായ അളവിൽ വെളളം കുടിക്കുന്നത് നിങ്ങളുടെ ആരോഗ്യം നിലനിർത്താൻ സഹായിക്കും. ശുദ്ധമായ വെള്ളം വേണം കുടിക്കേണ്ടത്.
ചെറുചൂടുള്ള വെള്ളം, കഷായങ്ങൾ, ഹെർബൽ ടീ മുതലായവ കഴിക്കുന്നത് ഇലക്ട്രോലൈറ്റ് ബാലൻസ് റീഹൈഡ്രേറ്റ് ചെയ്യാനും നിലനിർത്താൻ സഹായിക്കും. ആരോഗ്യ സംരക്ഷണത്തിന് പഴങ്ങൾ ധാരാളമായി കഴിക്കേണ്ടതുണ്ട്. ജാമുൻ, പേര, പ്ലം, ചെറി, പീച്ച്, പപ്പായ, ആപ്പിൾ, മാതളനാരങ്ങ തുടങ്ങിയ ഫലങ്ങൾ കഴിക്കണം. വിറ്റാമിനുകൾ എ, സി, ആന്റിഓക്സിഡന്റുകൾ, നാരുകൾ തുടങ്ങിയ പോഷകങ്ങളുടെ ആവശ്യം നികത്താൻ ഈ ഫലവർഗങ്ങൾ കഴിക്കുന്നത് ഉത്തമമാണ്.
പച്ചക്കറികളും ഭക്ഷണത്തിൽ നിർബന്ധമായും ഉൾപ്പെടുത്തണം. ചീര, ക്യാരറ്റ്, തക്കാളി, വെള്ളരിക്ക, തുടങ്ങിയ ഭക്ഷണങ്ങൾ കഴിക്കണം. ഈന്തപ്പഴം, ബദാം, വാൽനട്ട് തുടങ്ങിയ കഴിക്കുന്നതും നല്ലതാണ്. മഞ്ഞൾ, ഇഞ്ചി, വെളുത്തുള്ളി, കുരുമുളക്, കറുവാപ്പട്ട, ഏലം, ജാതിക്ക തുടങ്ങിയ വിവിധ സുഗന്ധദ്രവ്യങ്ങളും ഭക്ഷണത്തിൽ ഉൾപ്പെടുത്താൻ ശ്രദ്ധിക്കണം.