സാരിയിൽ തിളങ്ങി ബോളിവുഡ് നടി ആലിയ ഭട്ട്. ലോകത്തെ ഏറ്റവും വലിയ ഫാഷൻ മേളകളിലൊന്നായ മെറ്റ ഗാലയിലാണ് താരം പേസ്റ്റൽ ബ്ലൂ ഷീർ സാരിയിൽ തിളങ്ങിയത്. ഹാൻഡ് എംബ്രോയിഡറി വർക്കുകൾ നിറഞ്ഞ സാരിയാണ് താരം ധരിച്ചിരുന്നത്. വ്യത്യസ്ത ലുക്കുകളിലാണ് താരങ്ങൾ മെറ്റ് ഗാലയിൽ എത്താറുള്ളത്.
സിൽക്ക് ഫ്ലോസ്, ഗ്ലാസ് ബീഡിങ്ങുകൾ, വിലയേറിയ രത്നക്കല്ലുകൾ എന്നിവ ഉപയോഗിച്ച് പൂക്കളുടെ ഡിസൈനിൽ എംബ്രോയിഡറി വർക്കുകൾ ചെയ്ത സാരി ധരിച്ച് അതീവ സുന്ദരിയാണ് താരം മെറ്റ് ഗാല റെഡ് കാർപ്പറ്റിൽ പ്രത്യക്ഷപ്പെട്ടത്. രത്നക്കല്ലുകളുള്ള കമ്മലുകളാണ് ആലിയ അണിഞ്ഞിരുന്നത്.
നെറ്റിചുട്ടിയും ഒന്നിലധികം മോതിരങ്ങളും താരം അണിഞ്ഞിരുന്നു. മെസി ബൺ ഹെയർസ്റ്റൈൽ ആലിയയെ കൂടുതൽ സുന്ദരിയാക്കിയിരുന്നു. 163 കരകൗശല വിദഗ്ധർ 1965 മണിക്കൂർ എടുത്താണ് 23 അടി നീളമുള്ള സാരി നിർമ്മിച്ചതെന്നാണ് ആലിയ വ്യക്തമാക്കുന്നത്. മെറ്റ് ഗാല സംഘടിപ്പിക്കുന്നത് എല്ലാ വർഷവും മേയ് മാസത്തിലെ ആദ്യ തിങ്കളാഴ്ചയാണ്. ഫാഷൻ രംഗത്തെ സിനിമാ മേഖലയിലെയും പ്രശസ്തർ മെറ്റ് ഗാലയിൽ എത്താറുണ്ട്. പരിപാടിക്ക് ആതിഥേയത്വം വഹിക്കുന്നത് ന്യൂയോർക്കിലെ മെട്രോപൊളിറ്റൻ മ്യൂസിയം ഓഫ് ആർട്ടാണ്.