ഗൂഗിള്‍ ഹാങ്ഔട്ട്സ് 2022 നവംബറോടെ പ്രവര്‍ത്തനം അവസാനിപ്പിക്കും. ഉപയോക്താക്കള്‍ക്ക് നവംബറിന് മുമ്ബ് അവരുടെ ഹാങ്ഔട്ട് ഡാറ്റ ഡൗണ്‍ലോഡ് ചെയ്യാമെന്നും ഗൂഗിള്‍ അറിയിച്ചു. ഉപയോക്താക്കള്‍ക്കായി പുതിയ ടൂളുകള്‍ ഉപയോഗിച്ച് ചാറ്റില്‍ മാറ്റങ്ങള്‍ വരുത്തിയതായും കമ്ബനി വ്യക്തമാക്കി. ‘ആളുകളെ ഒന്നിപ്പിക്കാനും അവര്‍ക്ക് കൂടുതല്‍ സേവനങ്ങള്‍ നല്‍കാനും ഞങ്ങള്‍ ചാറ്റില്‍ നിക്ഷേപം തുടരുകയാണ്. ഇപ്പോള്‍ ശേഷിക്കുന്ന ഹാങ്ഔട്ട് ഉപഭോക്താവിനെ ചാറ്റിലേക്ക് മാറാന്‍ സഹായിക്കുന്നതിന് വേണ്ട നടപടികള്‍ ഞങ്ങള്‍ സ്വീകരിക്കുന്നുണ്ട്,’- ഗൂഗിള്‍ ചാറ്റിന്റെ പ്രൊഡക്ട് മാനേജര്‍ രവി കണ്ണേഗണ്ടി ഒരു ബ്ലോഗ്പോസ്റ്റില്‍ പറഞ്ഞു.
ഫോണില്‍ ഹാങ്ഔട്ട്സ് ഉപയോഗിക്കുന്നവര്‍ക്ക് ജിമെയിലിലേക്കോ ചാറ്റ് ആപ്പിലേക്കോ ചാറ്റ് മാറ്റാന്‍ ആവശ്യപ്പെടുന്ന ഒരു പോപ്പ്-ആപ്പ് സ്‌ക്രീന്‍ ലഭിക്കും. കമ്ബ്യൂട്ടറില്‍ ഹാങ്ഔട്ട്സ് ഉപയോഗിക്കുന്ന ഉപയോക്താക്കള്‍ ചാറ്റ് വെബിലേക്ക് മാറ്റുകയോ അല്ലെങ്കില്‍ ചാറ്റ് വെബ് ആപ്പ് ഇന്‍സ്റ്റാള്‍ ചെയ്യുകയോ ചെയ്യണം. സൈഡ്-ബൈ-സൈഡ് എഡിറ്റിംഗ് ഉപയോഗിച്ച് ഡോക്‌സ്, സ്ലൈഡുകള്‍, ഷൂട്ടുകള്‍ എന്നിവയിലെ ഫയലുകള്‍ എഡിറ്റ് ചെയ്യാന്‍ നിങ്ങളുടെ ചാറ്റ് അനുവദിക്കും. ഈ രീതിയില്‍, ആളുകള്‍ക്ക് സഹപ്രവര്‍ത്തകരുമായോ സുഹൃത്തുക്കളുമായോ സംഭാഷണങ്ങളില്‍ ഏര്‍പ്പെടാനും വ്യത്യസ്ത ഫയലുകള്‍ മാനേജ് ചെയ്യാനും കഴിയും. സ്ലാക്ക്, ഫ്‌ലോക്ക് എന്നീ പ്ലാറ്റ്‌ഫോമുകളായിരിക്കും ചാറ്റിന്റെ പ്രധാന എതിരാളികള്‍. ചാറ്റിലേക്ക് മാറുന്ന ഉപയോക്താക്കള്‍ക്ക് മറ്റ് ഫീച്ചറുകളും ഗൂഗിള്‍ അവതരിപ്പിക്കുന്നുണ്ട്. സ്‌കിന്‍-ടോണ്‍ അനുസരിച്ചുള്ള ഇമോജികള്‍, മെന്‍ഷന്‍ നോട്ടിഫൈ ഫീച്ചര്‍, ജിഐഎഫ് മുതലായ രസകരമായ സവിശേഷതകള്‍ അവതരിപ്പിക്കുമെന്നും കമ്ബനി പറഞ്ഞു.