കമല്ഹാസന് നായകനായ ‘വിക്രം’ ഓരോ ദിവസവും ബോക്സ് ഓഫീസ് റെക്കോര്ഡുകള് തകര്ത്ത് മുന്നേറുകയാണ്. 25-ാം ദിവസത്തെ ആഘോഷങ്ങള്ക്ക് മുന്നോടിയായി, ചിത്രം 400 കോടി ക്ലബ്ബില് പ്രവേശിച്ചു കഴിഞ്ഞു. രണ്ടാഴ്ചയ്ക്കുള്ളില് തമിഴ്നാട്ടില് ചിത്രം പരമാവധി സ്ക്രീനുകളില് കയറുമെന്നാണ് വ്യാപാരികള് നല്കുന്ന സൂചന.
കമല്ഹാസന്, വിജയ് സേതുപതി, ഫഹദ് ഫാസില് എന്നിവരാണ് വിക്രമിലെ പ്രധാന കഥാപാത്രങ്ങളെ അവതരിപ്പിക്കുന്നത്. ഒന്നിലധികം ഭാഷകളിലായി ജൂണ് 3 ന് ചിത്രം തിയേറ്ററുകളില് എത്തി. ലോകേഷ് കനകരാജ് രചനയും സംവിധാനവും നിര്വ്വഹിച്ച ഒരു ഹൈ-ഒക്ടെയ്ന് ആക്ഷന് ത്രില്ലറാണ് വിക്രം. കാളിദാസ് ജയറാം, നരേന്, ഗായത്രി, വാസന്തി, സന്താന ഭാരതി എന്നിവരും ചിത്രത്തില് പ്രധാന കഥാപാത്രങ്ങളെ അവതരിപ്പിച്ചു.