കൊല്‍ക്കത്ത: എ.എഫ്.സി കപ്പ് യോഗ്യതാ റൗണ്ട് ഫുട്‌ബോളില്‍ ഇന്ത്യ ഇന്ന് കൊല്‍ക്കത്തയിലെ സാള്‍ട്ട് ലേക്ക് സ്റ്റേഡിയത്തില്‍ അഫ്ഗാനിസ്ഥാനെ നേരിടും. കഴിഞ്ഞ ദിവസം ഇതേ വേദിയില്‍ നടന്ന മത്സരത്തില്‍ ഇന്ത്യ കംബോഡിയയെ മറുപടിയില്ലാത്ത രണ്ട് ഗോളുകള്‍ക്ക് കീഴടക്കിയിരുന്നു. നായകന്‍ സുനില്‍ ഛെത്രിയാണ് ഇന്ത്യയുടെ രണ്ട് ഗോളുകളും നേടിയിരുന്നത്. ഛെത്രിയിലാണ് ഇന്നും ഇന്ത്യയുടെ പ്രതീക്ഷ.
യോഗ്യതാ റൗണ്ട് ഗ്രൂപ്പ് ഡിയില്‍ ആദ്യ മത്സരത്തിലെ വിജയത്തോടെമൂന്ന് പോയിന്റുമായി ഒന്നാമതാണ് ഇന്ത്യ. ഫിഫ റാങ്കിംഗില്‍ 106-ാം സ്ഥാനത്താണ് ഇന്ത്യ. അഫ്ഗാന്‍ 150-ാം റാങ്കിലും. അടുത്ത മത്സരത്തില്‍ ചൊവ്വാഴ്ച ഇന്ത്യ ഹോംഗ്‌കോംഗിനെ നേരിടും.