ദോഹ: ഖത്തര്‍ ലോകകപ്പ് ഫുട്‌ബോളിന്റെ അവസാന പ്ലേ ഓഫ് മത്സരങ്ങള്‍ തിങ്കള്‍, ചൊവ്വ ദിവസങ്ങളില്‍ അരങ്ങേറും. 32 ടീമുകളില്‍ മുപ്പതും യോഗ്യത നേടി. ശേഷിക്കുന്ന രണ്ട് സ്ഥാനങ്ങള്‍ക്കായാണ് പോരാട്ടം.
തിങ്കളാഴ്ച ഓസ്‌ട്രേലിയ പെറുവിനെയും ചൊവ്വാഴ്ച കോസ്റ്ററിക്ക ന്യൂസിലന്‍ഡിനെയും നേരിടും. ജയിക്കുന്നവര്‍ ലോകകപ്പിലേക്ക് മുന്നേറും. ഏഷ്യന്‍ പ്ലേ ഓഫില്‍ യുഎഇയെ 2–1ന് തോല്‍പ്പിച്ചാണ് ഓസ്‌ട്രേലിയ നിര്‍ണായക മത്സരത്തിന് എത്തുന്നത്. ഖത്തറിലെ ലോകകപ്പ് വേദിയായ അല്‍ റയാന്‍ സ്റ്റേഡിയത്തിലാണ് പ്ലേ ഓഫ് പോരാട്ടങ്ങള്‍.