ന്യൂഡൽഹി: അസിസ്റ്റന്റ് സെൻട്രൽ ഇന്റലിജൻസ് ഓഫീസർ ഗ്രേഡ്-II/ടെക് പരീക്ഷയ്ക്ക് അപേക്ഷകൾ ക്ഷണിച്ച് ഇന്റലിജൻസ് ബ്യൂറോ. മെയ് 7 ആണ് അപേക്ഷ സമർപ്പിക്കാനുള്ള അവസാന തീയതി. ഔദ്യോഗിക വെബ്സൈറ്റായ mha.gov.in വഴി താൽപ്പര്യമുള്ള ഉദ്യോഗാർത്ഥികൾക്ക് അപേക്ഷ സമർപ്പിക്കാം. അസിസ്റ്റന്റ് സെൻട്രൽ ഇന്റലിജൻസ് ഓഫീസർ, ഗ്രേഡ്-II/ ടെക്‌നിക്കൽ/ ACIO-II (ടെക്‌നിക്കൽ) തസ്തികയിൽ 150 ഒഴിവുകളാണുള്ളത്. 44900-142400 വരെയാണ് ശമ്പള സ്‌കെയിൽ.
ഇലക്ട്രോണിക്സ് അല്ലെങ്കിൽ ഇലക്ട്രോണിക്സ്, ടെലി കമ്മ്യൂണിക്കേഷൻ, ഇലക്ട്രോണിക്സ് ആൻഡ് കമ്മ്യൂണിക്കേഷൻ, ഇലക്ട്രിക്കൽ & ഇലക്ട്രോണിക്സ് അല്ലെങ്കിൽ ഇൻഫർമേഷൻ ടെക്നോളജി, കംപ്യൂട്ടർ സയൻസ് അല്ലെങ്കിൽ കംപ്യൂട്ടർ സയൻസ് അല്ലെങ്കിൽ മാസ്റ്റർ എഞ്ചിനീയറിംഗ് എന്നിവയിൽ ബി.ഇ./ബി.ടെക് ഉള്ളവർക്ക് അപേക്ഷ നൽകാം. ഇലക്ട്രോണിക്സ് അല്ലെങ്കിൽ ഫിസിക്സിനൊപ്പം ഇലക്ട്രോണിക്സ് അല്ലെങ്കിൽ ഇലക്ട്രോണിക്സ്, കമ്മ്യൂണിക്കേഷൻ അല്ലെങ്കിൽ കമ്പ്യൂട്ടർ സയൻസ് അല്ലെങ്കിൽ കമ്പ്യൂട്ടർ ആപ്ലിക്കേഷനിൽ ബിരുദാനന്തര ബിരുദം ഉണ്ടായിരിക്കണം. ഉദ്യോഗാർത്ഥികൾ EC & CS ൽ ഗേറ്റ് 2020 അല്ലെങ്കിൽ 2021 അല്ലെങ്കിൽ 2022-ന്റെ സാധുവായ ഗേറ്റ് സ്‌കോർ കാർഡ് കൈവശം വയ്ക്കണം.
18 മുതൽ 27 വയസ്സ് വരെയാണ് പ്രായപരിധി. ഡെബിറ്റ് കാർഡ്, ക്രെഡിറ്റ് കാർഡ്, നെറ്റ് ബാങ്കിംഗ് അല്ലെങ്കിൽ ഇ ചെലാൻ വഴി പരീക്ഷാ ഫീസ് അടയ്ക്കുക. ജനറൽ, EWS, OBC ഉദ്യോഗാർത്ഥികൾക്ക്: 100/- രൂപയാണ് പരീക്ഷ ഫീസ്. SC / ST / സ്ത്രീ ഉദ്യോഗാർത്ഥികൾക്ക് ഫീസില്ല. ഉദ്യോഗാർത്ഥികൾക്ക് mha.gov.in എന്ന വെബ്സൈറ്റ് വഴി ഓൺലൈനായി അപേക്ഷിക്കാം.