തിരുവനന്തപുരം: സംസ്ഥാനത്തെ കെ-റെയില്‍ പദ്ധതിക്കായി അതിരടയാള കല്ലിട്ട സ്ഥലം ഈട് വച്ച് വായ്പയെടുക്കാന്‍ തടസമില്ലെന്ന് ധനമന്ത്രി കെ.എന്‍ ബാലഗോപാല്‍ വ്യക്തമാക്കി. ലോണ്‍ നല്‍കാതിരിക്കുന്ന ഒറ്റപ്പെട്ട സംഭവങ്ങളില്‍ സര്‍ക്കാര്‍ ഇടപെടുമെന്നും അദ്ദേഹം പറഞ്ഞു.
ബാങ്കുകള്‍ ഓവര്‍ സ്മാര്‍ട്ടാകരുത്. ബാങ്കേഴ്‌സ് സമിതിയുമായി വിഷയം ചര്‍ച്ച ചെയ്യും. വായ്പ നിഷേധിച്ചാല്‍ സര്‍ക്കാര്‍ ശക്തമായ നടപടി സ്വീകരിക്കും. ഒറ്റപ്പെട്ട സംഭവങ്ങളില്‍ പരിശോധനയുണ്ടാകുമെന്നും മന്ത്രി ഉറപ്പു നല്‍കി. അതേസമയം, പ്രതിപക്ഷം ജനങ്ങളുടെ മനസില്‍ തീകോരിയിടുകയാണെന്നും ധനമന്ത്രി വിമര്‍ശിച്ചു.