തിരുവനന്തപുരം: കെ-റെയില് കേരളത്തെ തകര്ക്കുന്ന പദ്ധതിയാണെന്നും പൊതുഗതാഗത സംവിധാനത്തെ നശിപ്പിക്കുമെന്നും നിയമസഭയിലെ അടിയന്തര പ്രമേയ ചര്ച്ചയില് പ്രതിപക്ഷ നേതാവ് വി.ഡി സതീശന്.
‘വരേണ്യ വര്ഗത്തിനു വേണ്ടിയാണ് പദ്ധതി. കെഎസ്ആര്ടിസിയെ സ്വാഭാവിക മരണത്തിന് വിട്ടുകൊണ്ട് കെ-റെയില് നടപ്പാക്കുന്നു. ഇതിന്റെ കടം കേരളത്തിന് താങ്ങാനാകില്ല. ഇരകളാകുന്നത് കേരളം മുഴുവനാണ്. മുഖ്യമന്ത്രി സഭയില് പറഞ്ഞതല്ല ഡിപിആര് എംബാഗ്മെന്റ് കണക്ക്. പദ്ധതി ലാഭകരമെന്ന് വരുത്തിത്തീര്ക്കാന് കണക്കുകളില് കൃത്രിമം നടത്തുന്നു. എതിര്ക്കുന്നവരെ കുറ്റപ്പെടുത്തുന്നത് ഏകാധിപതികളാണ്. എതിര്ക്കുന്നവരെ അടിച്ചമര്ത്തിയല്ല പദ്ധതി നടപ്പാക്കേണ്ടത്. കേരളത്തെ ബനാന റിപ്പബ്ലിക് ആക്കാന് അനുവദിക്കില്ല- വിഡി സതീശന് പറഞ്ഞു.’