വാഷിംഗ്ടൺ: പാകിസ്താനെ ഭയപ്പെടുത്തുന്ന റിപ്പോർട്ട് സമർപ്പിച്ച് അമേരിക്കൻ രഹസ്യാന്വേഷണ വിഭാഗം. യുഎസ് കോൺഗ്രസിലാണ് അമേരിക്കൻ രഹസ്യാന്വേഷണ വിഭാഗം റിപ്പോർട്ട് സമർപ്പിച്ചത്. പാകിസ്താന്റെ ഭാഗത്ത് നിന്നും എന്തെങ്കിലും പ്രകോപനമുണ്ടായാൽ ഇന്ത്യ ശക്തമായി തിരിച്ചടിക്കുമെന്നാണ് റിപ്പോർട്ടിൽ വ്യക്തമാക്കിയിട്ടുണ്ട്. മുൻകാലങ്ങളെ അപേക്ഷിച്ച് കൂടുതൽ ശക്തമായി ഇന്ത്യ പ്രതികരിക്കുമെന്നും നരേന്ദ്രമോദി ഇന്ത്യ ഭരിക്കുമ്പോൾ അതിനുള്ള സാദ്ധ്യത വളരെ കൂടുതലാണെന്നും റിപ്പോർട്ടിൽ ചൂണ്ടക്കാട്ടുന്നു.
അതേസമയം, നാഷണൽ ഇന്റലിജൻസ് ഡയറക്ടർ പുറത്തിറക്കിയ യുഎസ് ഇന്റലിജൻസ് കമ്മ്യൂണിറ്റിയുടെ വാർഷിക ഭീഷണി വിലയിരുത്തലിൽ ഇന്ത്യ ചൈന ബന്ധത്തെക്കുറിച്ചും പ്രതിപാദിക്കുന്നുണ്ട്. രണ്ട് ആണവശക്തികൾ തമ്മിലുള്ള സായുധ ഏറ്റുമുട്ടൽ വലിയ ഭീതിയുയർത്തുന്നതാണെന്ന് റിപ്പോർട്ടിൽ വ്യക്തമാക്കുന്നു. ഇരു രാജ്യങ്ങളും തമ്മിലുള്ള തർക്ക വിഷയങ്ങളിൽ യു എസ് ഇടപെടണമെന്നും റിപ്പോർട്ടിൽ പറഞ്ഞിട്ടുണ്ട്.