പലസ്തീൻ: പലസ്തീനിലെ ഇന്ത്യൻ അംബാസിഡർ മുകുൾ ആര്യ മരിച്ച നിലയിൽ. റാമല്ലയിലെ ഇന്ത്യൻ മിഷനിലാണ് അദ്ദേഹത്തെ മരിച്ച നിലയിൽ കണ്ടെത്തിയത്. 2008 ബാച്ചിലെ ഇന്ത്യൻ ഫോറിൻ സർവീസ് ഓഫീസറാണ് അദ്ദേഹം. മരണകാരണം എന്താണെന്ന് ഇതുവരെ വ്യക്തമല്ല. അതേസമയം, ആര്യയുടെ വിയോഗം ഞെട്ടലോടെയാണ് ഉൾക്കൊള്ളുന്നതെന്ന് പലസ്തീൻ വിദേശകാര്യമന്ത്രാലയം അറിയിച്ചു. ആര്യയുടെ മരണത്തിൽ അന്വേഷണം നടത്താൻ പാലസ്തീൻ ഉത്തരവിട്ടു.
ആര്യയുടെ മരണവാർത്ത അറിഞ്ഞതിന് പിന്നാലെ ഉടനടി സംഭവ സ്ഥലത്തെത്തണമെന്ന് പ്രസിഡന്റ് മഹ്മൂദ് അബ്ബാസ്, പ്രധാനമന്ത്രി മുഹമ്മദ് സയ്യിദ് തുടങ്ങിയവർ ഉദ്യോഗസ്ഥർക്ക് നിർദ്ദേശം നൽകിയിരുന്നു.
ആര്യയുടെ മൃതദേഹം നാട്ടിലെത്തിക്കാൻ പലസ്തീൻ വിദേശകാര്യമന്ത്രാലയം നടപടികൾ പൂർത്തിയാക്കുകയാണ്. ആര്യയുടെ കുടുംബത്തിന്റെ ദുഖത്തിൽ പങ്കുചേരുന്നതായി വിദേശകാര്യമന്ത്രി റിയാദ് അൽ മാലികി പ്രതികരിച്ചു. ഇന്ത്യൻ വിദേശകാര്യ മന്ത്രാലയത്തിലും കാബൂളിലെയും മോസ്കോയിലെയും ഇന്ത്യൻ എംബസികളിലും മുകുൾ ആര്യ സേവനമനുഷ്ഠിച്ചിട്ടുണ്ട്.യുനെസ്കോയിലെ ഇന്ത്യയുടെ സ്ഥിരം പ്രതിനിധി കൂടിയായിരുന്നു അദ്ദേഹം.