സ്മാര്ട്ട് ഫോണുകള് ഇന്ന് നമ്മുടെ ജീവിതത്തിന്റെ ഒരു പ്രധാനപ്പെട്ട ഭാഗമായിക്കഴിഞ്ഞിരിക്കുകയാണ്. ഇവ ഉപയോഗിക്കാത്തവര് വളരെ വിരളമാണ്. ചുറ്റുപാട് മറക്കുന്ന ഒരു തരം ലഹരിയാണ് ഫോണുകള്. ഇത്തരം അഡിക്ഷനുകള് ഗൗരവമായി കണ്ടില്ലെങ്കില് ശാരീരികമായും മാനസികമായും നമ്മളെ ബാധിക്കുന്ന ഒന്നാണ് ഇത്. അതിനാല് ഫോണ് ഉപയോഗം ആവശ്യത്തിന് മാത്രമാക്കി മാറ്റാന് നിങ്ങള്ക്ക് സാധിക്കണം. അതെങ്ങനെയെന്ന് നോക്കാം.
ഫോണില് വരുന്ന നോട്ടിഫിക്കേഷന് ശബ്ദങ്ങളാണ് നമ്മുടെ ശ്രദ്ധ ആകര്ഷിപ്പിക്കുന്നത്. ഫോണ് നോക്കേണ്ടെന്ന് എത്ര തന്നെ കരുതിയാലും ശബ്ദം കേട്ടാല് നമ്മള് ഒന്നെടുത്ത് നോക്കും. പിന്നെ ഫോണ് മാറ്റിവെക്കാന് മണിക്കൂറുകള് വേണ്ടിവരും. ഇത്രയും സമയം വെറുടെ പോവുകയും ചെയ്യും. അതിനാല് നോട്ടിഫിക്കേഷനുകള് ഓഫ് ചെയ്തിടുക എന്നതാണ് നമുക്ക് പ്രധാനമായും ചെയ്യാവുന്ന കാര്യം. ഫോണ് ഉപയോഗം കൂടുന്നുവെന്ന് തിരിച്ചറിഞ്ഞാല് ഇടയ്ക്കിടെ സ്വയം ശാസിക്കാന് പഠിക്കുക. ആ സമയം മറ്റെന്തിനെങ്കിലും വേണ്ടി മാറ്റിവയ്ക്കാവുന്നതാണ്.
എപ്പോഴും എന്തിലെങ്കിലും മുഴുകിയിരിക്കുക. ഫോണില് നോക്കി പലരും ഉറക്കം കളയാറുണ്ട്. അതിനാല് ഫോണ് ‘ഡു നോട്ട് ഡിസ്റ്റര്ബ്’ മോഡിലിട്ട് ഉറങ്ങാന് ശ്രമിക്കുക.