തിരുവനന്തപുരം: ഡയമണ്ട് വില കുത്തനെ കൂടി. 13 വർഷത്തിന് ശേഷമാണ് ഇത്തരത്തിൽ ഡയമണ്ട് വിലയിൽ വൻ വർധനവ് രേഖപ്പെടുത്തുന്നത്. ഒരു കാരറ്റിന് 15000 രൂപ മുതൽ 25000 രൂപ വരെ വർധനവാണ് ഉണ്ടായിട്ടുള്ളത്.
വിലവർധനയുടെ സാഹചര്യത്തിൽ നിർമ്മാതാക്കൾ ഡയമണ്ട് വിതരണം താത്ക്കാലികമായി നിർത്തിവെച്ചു. ഇറക്കുമതി ചെയ്യുന്ന റഫ് ഡയമണ്ടിന്റെ വിലയിലുണ്ടായ വർധനവാണ് ഇപ്പോഴുണ്ടായ വിലക്കയറ്റത്തിന് കാരണം. 2009ലും ഡയമണ്ടിന് സമാനമായ രീതിയിൽ വിലവർധനവ് രേഖപ്പെടുത്തിയിരുന്നു.
കോവിഡ് വൈറസ് വ്യാപനത്തെ തുടർന്ന് പല ഡയമണ്ട് സെന്ററുകളിലും നിർമ്മാണം പകുതിയായി കുറഞ്ഞിരുന്നു. ഇതും വിലവർധനവിന് കാരണമായിട്ടുണ്ട്. ഡയമണ്ട് ആവശ്യത്തിന് ലഭിക്കാത്തതിനാൽ ഡയമണ്ട് ആഭരണ നിർമ്മാണ മേഖല പ്രതിസന്ധിയിലാണ്. കഴിഞ്ഞ ബജറ്റിൽ പോളിഷ് ചെയ്ത ഡയമണ്ടിന് 2.5% നികുതി കുറച്ചിരുന്നു.