തിരുവനന്തപുരം: സാമൂഹ്യനീതി വകുപ്പിന്റെ കീഴിലുള്ള ജില്ലാ വനിതാ പ്രൊട്ടക്ഷന് ഓഫീസര്മാരെ സഹായിക്കുന്നതിനായി മെസഞ്ചര് തസ്തികയില് തിരുവനന്തപുരം ജില്ലയിലേക്ക് സ്ത്രീ ഉദ്യോഗാര്ത്ഥികളില് നിന്ന് അപേക്ഷ ക്ഷണിച്ചു.
അപേക്ഷകര് പത്താം ക്ലാസ്സ് പാസായിരിക്കണം. പ്രായം 25 നും 45 നും ഇടയിലാവണം. സമാന ജോലിയില് പ്രവൃത്തി പരിചയവും, ജില്ലയിലുടനീളം യാത്ര ചെയ്യാനുള്ള കഴിവും അഭികാമ്യം. ഒരു വര്ഷത്തെ കരാര് അടിസ്ഥാനത്തിലാണ് നിയമനം.
താത്പര്യമുള്ളവര് വെള്ളപേപ്പറില് എഴുതി തയ്യാറാക്കിയ അപേക്ഷ, സര്ട്ടിഫിക്കറ്റുകളുടെ പകര്പ്പ് എന്നിവ സഹിതം ഫെബ്രുവരി രണ്ടിന് വൈകിട്ട് അഞ്ചിനു മുമ്പ് സ്റ്റേറ്റ് പ്രോജക്ട് ഡയറക്ടര്, കേരള മഹിള സമഖ്യ സൊസൈറ്റി, റ്റി.സി. 20/1652, കല്പന, കുഞ്ചാലുംമൂട്, കരമന പി.ഒ., തിരുവനന്തപുരം എന്ന വിലാസത്തില് അയക്കുക. ഇ-മെയില് : spdkeralamss@gmail.com. കൂടുതല് വിവരങ്ങള്ക്ക്: 0471 2348666 എന്ന നമ്പറില് ബന്ധപ്പെടുക.