ബാങ്കോക്ക്: മ്യാന്മര്‍ നേതാവ് ഓങ് സാന്‍ സൂകിയെ കൊവിഡ് മാനദണ്ഡം ലംഘിച്ചതിനും അനധികൃതമായി വാക്കിടോക്കികള്‍ ഇറക്കുമതി ചെയ്തതിനും നാലുവര്‍ഷംകൂടി സൈനിക കോടതി ശിക്ഷ വിധിച്ചു.
കഴിഞ്ഞ മാസം വേറെ രണ്ടു കേസുകളിലായി സൂകിക്ക് നാലുവര്‍ഷം തടവ് വിധിച്ചിരുന്നു. എന്നാല്‍, പിന്നീട് ഇത് രണ്ടുവര്‍ഷമാക്കുകയായിരുന്നു. 2021 ഫെബ്രുവരിയില്‍ സൂകി ഭരണം അട്ടിമറിച്ച സൈന്യം ഇവര്‍ക്കെതിരെ നൂറുവര്‍ഷംവരെ തടവ് ലഭിച്ചേക്കാവുന്ന 12 കേസാണ് ചുമത്തിയത്.
ജീവിതകാലം മുഴുവന്‍ ജയിലിലടച്ച് സൂകി രാഷ്ട്രീയത്തില്‍ തിരിച്ചെത്തുന്നത് ഇല്ലാതാക്കാനും, സൈനിക അട്ടിമറിക്ക് നിയമസാധുത നല്‍കാനുമാണ് സൈന്യത്തിന്റെ ശ്രമിമെന്നാണ് സൂകി അനുകൂലികള്‍ വ്യക്തമാക്കുന്നത്.