2020ല് പുറത്തിറങ്ങിയ മലയാള സിനിമ കപ്പേളയുടെ തമിഴ് റീമേക്ക് സ്വന്തമാക്കിയിരിക്കുകയാണ് സംവിധായകനും നടനുമായ ഗൗതം മേനോന്. കപ്പേളയുടെ തെലുങ്ക് റീമേക്ക് അവകാശം നേരത്തെ വിറ്റുപോയിരുന്നു. അല്ലു അര്ജുന് ചിത്രമായ അല വൈകുണ്ഠപുരമലു എന്ന ചിത്രത്തിന്റെ നിര്മാണ ടീമായ സിത്താര എന്റര്ടെയ്ന്മെന്റ്സ് ആണ് റീമേക്ക് നിര്മ്മിക്കുന്നത്.
മുഹമ്മദ് മുസ്തഫയുടെ സംവിധാനത്തില് പുറത്തിറങ്ങിയ കപ്പേള തിയേറ്ററിലാണ് ആദ്യം റിലീസ് ചെയ്തത്. കൊവിഡ് പശ്ചാത്തലത്തില് തിയേറ്ററുകള് അടക്കാന് തീരുമാനിക്കുന്നതിന് തൊട്ടുമുന്പായിരുന്നു സിനിമ റിലീസ്. എന്നാല്, പിന്നീട് കപ്പേളയുടെ പ്രദര്ശനം നിര്ത്തുകയും ഒടിടിയില് പ്രദര്ശിപ്പിക്കുകയും ചെയ്തു. അന്യഭാഷാ ചലച്ചിത്ര പ്രവര്ത്തകര്ക്കിടയില് വരെ മികച്ച സ്വീകാര്യതയാണ് ചിത്രത്തിന് ലഭിച്ചത്.