ജനങ്ങളെ സര്ക്കാരിനെതിരെ തിരിക്കുന്ന നടപടി സ്വീകരിക്കരുതെന്ന് കെ-റെയില് പദ്ധതിയുടെ കല്ലിടലിനെ കുറിച്ച് സിപിഐ എക്സിക്യൂട്ടീവ് അംഗങ്ങള്. സംസ്ഥാനത്ത് വികസന പരിപാടികള് നടപ്പാക്കണം എന്നാല്, ദൃതി പിടിച്ചുള്ള നടപടികള് വേണ്ട എന്നും എക്സിക്യൂട്ടീവ് യോഗം വിലയിരുത്തി.
കോണ്ഗ്രസ് അനുകൂല പരാമര്ശത്തിന് ബിനോയ് വിശ്വത്തിനെതിരെയും യോഗത്തില് വിമര്ശനമുണ്ടായി. അത്തരമൊരു പ്രസ്താവന എല്ഡിഎഫിനെ ബാധിക്കുമെന്ന് ആലോചിക്കണമായിരുന്നു. കോണ്ഗ്രസ് വേദിയില് പോയി പറയേണ്ടിയിരുന്നില്ലെന്നും, പ്രസ്താവന തികച്ചും അപക്വമായിപ്പോയെന്നും പാര്ട്ടി എക്സിക്യുട്ടീവ് യോഗം അഭിപ്രായപ്പെട്ടു.
കോണ്ഗ്രസ് തകര്ന്നാല് ഇന്ത്യന് രാഷ്ട്രീയത്തില് ഉണ്ടാകുന്ന ശൂന്യത നികത്താന് ഇടത് പക്ഷത്തിനു കഴിയില്ല എന്നായിരുന്നു ബിനോയ് വിശ്വത്തിന്റെ പരാമര്ശം. ഇടത് പക്ഷത്തിനു അതിനുള്ള കെല്പ് ഇല്ല. അതിനെക്കുറിച്ച് തങ്ങള്ക്കും തിരിച്ചറിവുണ്ടെന്ന് അദ്ദേഹം അഭിപ്രായപ്പെട്ടിരുന്നു.