വോയ്സ് കോളുകള്ക്കായി ഒരു പുതിയ ഇന്റര്ഫേസ് വികസിപ്പിക്കാനൊരുങ്ങി വാട്സ്ആപ്പ്. ആപ്പിന്റെ ആന്ഡ്രോയിഡ്, ഐഒഎസ് പതിപ്പുകളുടെ ഭാഗമായിരിക്കും ഇന്റര്ഫേസ്. ഈ പുതിയ ഇന്റര്ഫേസിലൂടെ വ്യക്തിഗത, ഗ്രൂപ്പ് വോയ്സ് കോളുകള്ക്ക് മെച്ചപ്പെട്ട അനുഭവം നല്കാനാണ് കമ്പനിയുടെ പ്രധാന ലക്ഷ്യം. എന്നാല്, ബീറ്റ ടെസ്റ്ററുകള്ക്ക് പോലും ഈ മാറ്റങ്ങള് ഇതുവരെ ലഭ്യമായിട്ടില്ല.
വാട്ട്സ്ആപ്പ് കൂടുതല് ഒതുക്കമുള്ളതും ആധുനികവുമാക്കുന്നതിനും ലഭ്യമായ ഇടം ക്രമീകരിക്കുന്നതിനുമായി പുതിയ അപ്ഡേറ്റ് ഒരുക്കിയിരിക്കുന്നു. പ്രത്യേകിച്ച് ഗ്രൂപ്പ് വോയ്സ് കോളുകള് ചെയ്യുമ്പോള് മനോഹരമായി കാണപ്പെടും. എല്ലാ ബട്ടണുകളും ഇന്റര്ഫേസ് ഘടകങ്ങളും ദൃഢമായി നില നില്ക്കുന്നതിനാല്, കോള് സ്ക്രീന് മാറുന്നില്ല. മധ്യഭാഗത്ത് വൃത്താകൃതിയിലുള്ള ചാരനിറത്തിലുള്ള ചതുരം, അതില് നിങ്ങളുടെ കോണ്ടാക്റ്റിന്റെ പേര്/നമ്പര്, പ്രൊഫൈല് ചിത്രം എന്നിവ കാണാം.
2016-ല് വാട്ട്സ്ആപ്പ് ആരംഭിച്ച എന്ഡ്-ടു-എന്ഡ് എന്ക്രിപ്ഷന് ഈ വര്ഷമാദ്യം, ആന്ഡ്രോയിഡ് ഉപയോക്താക്കള്ക്കായി ഗൂഗിള് ഡ്രൈവിലും ഐഫോണ് ഉപയോക്താക്കള്ക്കായി ഐക്ലൗഡി-ലും സംഭരിച്ചിരിക്കുന്ന ചാറ്റ് ബാക്കപ്പുകള്ക്കുമായി വിപുലീകരിച്ചിരുന്നു. ടെസ്റ്റിംഗിലെ ഫീച്ചറുകള്ക്കൊപ്പം തന്നെ വോയ്സ് മെസേജ് അനുഭവം അപ്ഡേറ്റ് ചെയ്യുകയും ചെയ്തിട്ടുണ്ട്.