ഫേസ്ബുക്കിലും ഇന്സ്റ്റഗ്രാമിലും ഭാഷ മാറ്റുന്നത് എങ്ങനെയെന്നാണ് ഇവിടെ പറയുന്നത്. ഇംഗ്ലീഷ് ഭാഷ മനസിലാക്കാന് ബുദ്ധിമുട്ടുള്ളവര് നമുക്കിടയില് തന്നെയുണ്ട്. ഈ പ്രശ്നം പരിഹരിക്കാന് ഫേസ്ബുക്കും ഇന്സ്റ്റഗ്രാമും വിവിധ പ്രാദേശിക ഭാഷകളിലും ലഭ്യമാക്കിയിട്ടുണ്ട്. ഹിന്ദി, ബംഗാളി, ഗുജറാത്തി, മലയാളം അങ്ങനെ വിവിധ ഭാഷകളില് ഫേസ്ബുക്ക് ലഭ്യമാണ്. എന്നാല്, ഇന്സ്റ്റഗ്രാമില് നിലവില് ഹിന്ദി മാത്രമാണ് ലഭ്യമായിട്ടുള്ളത്. എങ്ങനെയാണ് ഇത്തരം ആപ്പുകളില് ഭാഷ മാറ്റുന്നതെന്ന് നോക്കാം…
ഫേസ്ബുക്കില് ഭാഷ മാറ്റാന്
ആദ്യം ഫേസ്ബുക്ക് ആപ്പ് തുറന്ന് മുകളില് വലത് കോണില് സ്ഥാപിച്ചിരിക്കുന്ന മൂന്ന് ലൈനുകളില് ( ഹാംബര്ഗര് ഐക്കണ് ) ടാപ്പ് ചെയ്യുക.
ഇപ്പോള്, താഴേക്ക് സ്ക്രോള് ചെയ്ത് സെറ്റിങ്സ് ആന്ഡ് പ്രൈവസി ഓപ്ഷനില് ടാപ്പ് ചെയ്യുക.
ശേഷം സെറ്റിങ്സ് ഓപ്ഷനില് ടാപ്പ് ചെയ്യുക, തുടര്ന്ന് ‘പ്രിഫറന്സ്’ വിഭാഗത്തിന് കീഴില് കാണുന്ന ‘ലാംഗേജ് ആന്ഡ് റീജിയണ്’ ഓപ്ഷനില് ടാപ്പ് ചെയ്യുക.
ലാംഗേജ് ആന്ഡ് റീജിയണ് സെക്ഷനിലെ ആദ്യ ഓപ്ഷനില് ടാപ്പ് ചെയ്യുക. ( ബട്ടണുകളുടെ ശീര്ഷകങ്ങള്ക്കും മറ്റ് ടെക്സ്റ്റുകള്ക്കുമുള്ള ഭാഷയായി സൂചിപ്പിച്ചിരിക്കുന്ന )
ഇപ്പോള്, നിങ്ങള് ആഗ്രഹിക്കുന്ന ഭാഷ തിരഞ്ഞെടുക്കുക. നിങ്ങളുടെ പോസ്റ്റ് ട്രാന്സ്ലേറ്റ് ചെയ്യാന് ഇഷ്ടമുള്ള ഭാഷ സജ്ജീകരിക്കാനും ഫേസ്ബുക്കില് ഓപ്ഷന് ലഭ്യമാണ്.
ഇന്സ്റ്റഗ്രാമില് ഭാഷ മാറ്റാന്
ആദ്യം, നിങ്ങളുടെ സ്മാര്ട്ട്ഫോണില് ഇന്സ്റ്റാഗ്രാം ആപ്പ് തുറക്കുക.
പ്രൊഫൈല് ഐക്കണില് ടാപ്പ് ചെയ്യുക, തുടര്ന്ന് മുകളില് വലത് കോണില് പ്രദര്ശിപ്പിക്കുന്ന മൂന്ന് വരികളില് ( ഹാംബര്ഗര് ഐക്കണ് ) ടാപ്പ് ചെയ്യുക. ശേഷം സെറ്റിങ്സ് ഐക്കണില് ടാപ്പ് ചെയ്യുക.
തുറന്ന് വരുന്ന മെനുവില് നിന്നും അക്കൌണ്ട് ഓപ്ഷന് സെലക്റ്റ് ചെയ്യുക. ഇവിടെ നിന്നും ഭാഷ ഓപ്ഷന് ടാപ്പ് ചെയ്യുക.
ഇവിടെ നിന്നും ഹിന്ദി സെലക്ട് ചെയ്യുക. ശേഷം വീണ്ടും ഇംഗ്ലീഷിലേക്ക് മാറാനും ഇതേ സ്റ്റെപ്പുകള് ഫോളോ ചെയ്താല് മതിയാകും