രോഹിത്ത് വി എസിന്റെ സംവിധാനത്തില് സുമേഷ് മൂര്, ടൊവിനോ തോമസ് എന്നിവരെ പ്രധാന കഥാപാത്രങ്ങളാക്കി പുറത്തിറങ്ങിയ സൈക്കോളജിക്കല് ത്രില്ലര് ചിത്രമാണ് ‘കള’. ഇപ്പോഴിതാ ചിക്കാഗോ ഫിലിം ഫെസ്റ്റിവലില് മികച്ച ഫീച്ചര് ഫിലിമായി ‘കള’ തിരഞ്ഞെടുക്കപ്പെട്ടിരിക്കുകയാണ്. ആങ്ഡോങ് ഡെങ് സംവിധാനം ചെയ്ത ‘ബ്ലേബ്ലെയ്ഡ് ഗേളി’നൊപ്പമാണ് കള ഈ പുരസ്കാരം പങ്കുവെച്ചിരിക്കുന്നത്.
ഒടിടിയില് പ്രദര്ശനത്തിനെത്തിയ ചിത്രത്തിന് മികച്ച പ്രതികരണമാണ് ലഭിച്ചിരുന്നത്. ചിത്രത്തിന് അന്താരാഷ്ട്ര അംഗീകാരം ലഭിച്ച വിവരം പങ്കുവച്ചിരിക്കുകയാണ് നടന് ടൊവിനോ തോമസ്. ‘ഒരു അഭിനേതാവ്, നിര്മ്മാതാവ് എന്നീ നിലകളില് വലിയ ആവേശം തോന്നുകയാണ്. ഇത് ഒരു തുടക്കം മാത്രമാണ്. കളക്ക് പിന്നില് പ്രവര്ത്തിച്ച ടീമിന് എല്ലാ ആശംസകളും നേരുന്നു,’-ടൊവിനോ കുറിച്ചു