കുനൂര്: സംയുക്ത സൈനിക മേധാവി ബിപിന് റാവത്ത് അടക്കം ഉന്നത സൈനിക ഉദ്യോഗസ്ഥര് സഞ്ചരിച്ച ഹെലിക്കോപ്ടര് തകര്ന്നു വീണു. ഉച്ചയ്ക്ക് 12.30 ഓടെ ഊട്ടിക്ക് സമീപം കൂനൂരിലാണ് സംഭവം. അപകടത്തില് ബിപിന് റാവത്തിന്റെ ഭാര്യ മധുലിക റാവത്ത് അടക്കം 13 പേര് മരിച്ചതായാണ് പുറത്തു വരുന്ന റിപ്പോര്ട്ടുകള്. ഗുരുതരമായി പരിക്കേറ്റ ബിപിന് റാവത്ത് അടക്കമുള്ളവരെ വെല്ലിങ്ടണിലെ സൈനിക ആശുപത്രിയില് പ്രവേശിപ്പിച്ചു.
കുനൂര് കട്ടേരിക്ക് സമീപമായിരുന്നു ഹെലിക്കോപ്ടര് തകര്ന്നുവീണത്. കോയമ്പത്തൂരിലെ സുലൂര് വ്യോമതാവളത്തില് നിന്ന് വെല്ലിങ്ടണ് കന്റോണ്മെന്റിലേക്കുള്ള യാത്രാമധ്യേയാണ് അപകടം സംഭവിച്ചത്. ഹെലികോപ്ടര് പൂര്ണമായും തകര്ന്നിട്ടുണ്ടെന്നാണ് സൂചന.
ബിപിന് റാവത്തിന് പുറമെ അദ്ദേഹത്തിന്റെ ഭാര്യ മധുലിക റാവത്ത്, ബ്രിഗേഡിയര് എല്.എസ് ലിഡര്, ലെഫ്.കേണല് ഹര്ജീന്ദര് സിങ്, എന്.കെ ഗുര്സേവക് സിങ്, എന്.കെ ജിതേന്ദ്രകുമാര്, ലാന്സ് നായിക്, വിവേക് കുമാര്, ലാന്സ് നായിക് ബി സായ് തേജ, ഹവീല്ദാര് സത്പാല് എന്നിവരടക്കം പതിനാല് പേരാണ് അപകടത്തില് പെട്ട ഹെലിക്കോപ്ടറിലുണ്ടായിരുന്നത്. വ്യോമസേനയുടെ എം.ഐ 17വി.5 ഹെലിക്കോപ്ടറാണ് അപകടത്തില് പെട്ടതെന്ന് വ്യോമസേന ട്വീറ്റ് ചെയ്തു. അപകടത്തെക്കുറിച്ച് അന്വേഷണത്തിന് ഉത്തരവിട്ടിട്ടുണ്ട്.
Latest visuals from the spot (between Coimbatore and Sulur) where a military chopper crashed in Tamil Nadu. CDS Bipin Rawat, his staff and some family members were in the chopper.
— ANI (@ANI) December 8, 2021
(Pics Source: Locals involved in search and rescue operation) pic.twitter.com/miALr88sm1