തിരുവനന്തപുരം: സ്ത്രീകളോടുള്ള അതിക്രമങ്ങൾക്കെതിരെ രാത്രി നടത്തം സംഘടിപ്പിക്കാൻ കെപിസിസി. വ്യാഴാഴ്ച്ച രാത്രി 9 മണിയ്ക്ക് സ്ത്രീകളെ അണിനിരത്തി സംസ്ഥാന വ്യാപകമായാണ് രാത്രി നടത്തം സംഘടിപ്പിക്കുന്നത്. പെണ്മയ്ക്കൊപ്പമെന്ന മുദ്രവാക്യം ഉയർത്തിയാണ് രാത്രി നടത്തം. കെപിസിസി പ്രസിഡന്റ് കെ സുധാകരൻ തിരുവനന്തപുരത്ത് വെച്ച് രാത്രി നടത്തത്തിന്റെ ഉദ്ഘാടനം നിർവ്വഹിക്കും.
മഹിളാ കോൺഗ്രസ്, യൂത്ത് കോൺഗ്രസ്, കെ.എസ്.യു ഉൾപ്പെടെയുള്ള സംഘടനകളിലെ സ്ത്രീകൾ രാത്രി നടത്തത്തിൽ പങ്കെടുത്തും. കോൺഗ്രസിന്റെ എല്ലാ ജനപ്രതിനിധികളും പ്രതിഷേധ പരിപാടിയിൽ പങ്കെടുക്കണമെന്നാണ് നിർദ്ദേശം. മൊഫിയയുടെ ആത്മഹത്യയുമായി ബന്ധപ്പെട്ടുള്ള കോൺഗ്രസിന്റെ പ്രതിഷേധ മാർച്ചും ഉടൻ സംഘടിപ്പിക്കും. പ്രതിഷേധ മാർച്ചിന്റെ ഭാഗമായി റൂറൽ എസ് പി ഓഫീസ് ഉപരോധിക്കും. പ്രദേശത്ത് വൻ പൊലീസ് സന്നാഹമാണ് ഒരുക്കിയിരിക്കുന്നത്. ആലുവ ഈസ്റ്റ് സ്റ്റേഷനിലും എസ് പി ഓഫീസിനും ഇടയിൽ പോലീസ് ബാരിക്കേഡ് ഉയർത്തി. പ്രദേശത്ത് ഗതാഗത നിയന്ത്രണവും ഏർപ്പെടുത്തിയിട്ടുണ്ട്.