കൊവിഡ് പ്രതിസന്ധി മൂലം രണ്ട് വര്ഷത്തോളം പെട്ടിയിലിരുന്ന സിനിമകള് റിലീസ് ചെയ്യാനുണ്ടെന്നതിനാല് അനേകം ചിത്രങ്ങളാണ് വ്യത്യസ്ത ഭാഷകളിലായി നിലവില് റിലീസ് തിയ്യതി കാത്തിരിക്കുന്നത്. 2022 ഏപ്രില് 14ന് മൂന്ന് വലിയ ചിത്രങ്ങള് ബോക്സ് ഓഫീസില് ഏറ്റുമുട്ടാന് ഒരുങ്ങുകയാണ്.
ആമിര് ഖാന് തന്റെ വരാനിരിക്കുന്ന ചിത്രമായ ലാല് സിംഗ് ഛദ്ദ ഏപ്രില് 14 ന് റിലീസ് ചെയ്യുമെന്ന് പ്രഖ്യാപിച്ചു. നേരത്തെ, കെജിഎഫ് : ചാപ്റ്റര് 2, പ്രഭാസിന്റെ സലാര് എന്നിവയുടെ നിര്മ്മാതാക്കള് അതാത് സിനിമകള് പ്രഖ്യാപിച്ചിരുന്നു. ഇവ മൂന്നും 2022 ഏപ്രില് 14ന് ബോക്സ് ഓഫീസില് ഏറ്റുമുട്ടും.
കെജിഎഫ് : ചാപ്റ്റര് 2, സലാര്, ലാല് സിംഗ് ഛദ്ദ എന്നിവയാണ് സമീപകാലത്ത് ഏറെ പ്രതീക്ഷയോടെ കാത്തിരിക്കുന്ന മൂന്ന് സിനിമകള്. ഈ വര്ഷമാദ്യം, കെജിഎഫ് 2, സലാര് ടീമുകള് 2022-ല് ബോക്സ് ഓഫീസില് ഏറ്റുമുട്ടുമെന്ന് പ്രഖ്യാപിച്ചിരുന്നു. ഇപ്പോള്, ഈ ലിസ്റ്റിലേക്ക് ഒരു പുതിയ എന്ട്രിയായിട്ടാണ് അമീര് ഖാന് ചിത്രം എത്തിയിരിക്കുന്നത്. പ്രഭാസും ശ്രുതി ഹാസനുമാണ് സലാറില് വേഷമിടുന്നത്.