പ്രാദേശിക വാര്ത്തകള് കൂടുതല് ആളുകളിലേക്കെത്തിക്കാനുള്ള പുത്തന് ഫീച്ചറുമായി ഗൂഗിള് രംഗത്ത്. ഗൂഗിള് ന്യൂസ് ഷോക്കേസിന്റെ വ്യാപ്തി വര്ദ്ധിപ്പിക്കുന്നതിന്റെ ഭാഗമായാണ് പുതിയ സംവിധാനങ്ങള് ഒരുക്കിയിരിക്കുന്നത്. ലോകത്തിന്റെ ഏത് കോണിലും സംഭവിക്കുന്ന കാര്യങ്ങള് ഗൂഗിള് അല്ഗോരിതം വഴി വായനക്കാരിലേക്ക് എത്തും.
പ്രാദേശിക വാര്ത്തകള് തിരയാനും അന്വേഷിക്കുമ്പോള് മറുപടിയായി കാണിക്കുന്ന ഒരു കറൗസലാണ് ഹെഡ്ലൈന് ഫീച്ചര്. ഈ ഫീച്ചര് എല്ലാ ഭാഷകളിലും ഉപയോഗിക്കാന് സാധിക്കും.
കോവിഡിനെ കുറിച്ചുള്ള വാര്ത്തകള് അറിയാന് വേണ്ടിയായിരുന്നു ഈ ഫീച്ചര് ആദ്യം ഇറക്കിയത്. എന്നാല്, ഇപ്പോള് സ്പോര്ട്സ്, പ്രാദേശിക ഭരണകൂടം തുടങ്ങി മറ്റു വിഷയങ്ങളിലേക്കും വ്യാപിപ്പിച്ചിട്ടുണ്ട്. പ്രധാന വാര്ത്തകളും /പൊതു വാര്ത്തകളും ആധികാരികമായി നല്കുന്ന തരത്തില് തങ്ങളുടെ സംവിധാനങ്ങള് മാറ്റുകയാണെന്ന് ഗൂഗിള് വ്യക്തമാക്കി.