മരക്കാറിന്റെ മാരത്തോണ് പ്രദര്ശനങ്ങള് പ്രഖ്യാപിച്ച് തിരുവനന്തപുരം ഏരീസ് തിയേറ്റര്. ആറു സ്ക്രീനുകളിലായി 42 ഷോകള് മരക്കാറിന് മാത്രമായി നടത്തുമെന്ന് ഉടമ സോഹന് റോയ് വ്യക്തമാക്കി. ഡിസംബര് രണ്ടിന് പുലര്ച്ചെ 12.1ന് തുടങ്ങുന്ന പ്രദര്ശനങ്ങള് രാത്രി 11.59നാണ് അവസാനിക്കുകയുള്ളൂ.
ആദ്യമായാണ് ഒരു സിനിമക്കായി തിയേറ്ററിലെ എല്ലാ സ്ക്രീനുകളും മാറ്റിവെക്കുന്നത്. ഇന്ത്യന് സിനിമയില് ഏറ്റവും കൂടുതല് കളക്ഷന് നേടിയ ബാഹുബലി കേരളത്തില് ഏറ്റവും കൂടുതല് പ്രദര്ശനം നടത്തിയത് ഏരീസിലായിരുന്നു. മൂന്നുകോടി രൂപയാണ് ഈ തിയറ്റര് സമുച്ചയത്തില് നിന്നുമാത്രം ലഭിച്ചത്. മലയാള സിനിമയിലെ സര്വ്വകാല റെക്കോര്ഡ് തകര്ത്താണ് ഏരീസിലെ മരക്കാറിന്റെ പ്രദര്ശനം.
അതേസമയം, മരക്കാര് സിനിമയുടെ ടിക്കറ്റ് ബുക്കിങ്ങ് ആരംഭിച്ചു. ആശിര്വാദ് സിനിമാസിന്റെ കീഴിലുള്ള കോഴിക്കോട്, പെരുമ്പാവൂര്, തൊടുപുഴ, ഹരിപ്പാട്, കടപ്ര എന്നിവിടങ്ങളിലെ തിയേ റ്ററുകളിലാണ് ടിക്കറ്റ് ബുക്കിങ്ങ് ആരംഭിച്ചിരിക്കുന്നത്.
രാവിലെ 12:01ന് ആണ് ആദ്യ ഷോ തുടങ്ങുന്നത്. സ്ക്രീനുകളും പ്രദര്ശന സമയവും ഇങ്ങനെ:
Audi 1 – 12.01 AM, 03.45 AM, 07.30 AM, 11.30 AM, 03.30 PM, 07.30 PM, 11.30 PM
Audi 2, 3, 4, 5 & 6 – 12.30 AM, 04.15 AM, 08.00 AM, 12.00 AM, 04.00 PM, 08.00 PM, 11.59 PM