ബോളിവുഡ് ചിത്രം ബണ്ടി ഓര് ബബ്ലി 2 ലെ രണ്ടാമത്തെ ഗാനം പുറത്തിറങ്ങി. യഷ് രാജ് ഫിലിംസ് ആണ് ചിത്രം നിര്മ്മിക്കുന്നത്. കൊവിഡ് മൂലം റിലീസ് മാറ്റിവച്ച സിനിമ 2021 നവംബര് 19ന് പ്രദര്ശനത്തിന് എത്തും.
അഭിഷേക് ബച്ചന് പകരം റാണി മുഖര്ജിക്കൊപ്പം ബണ്ടി ഓര് ബബ്ലി 2ല് സെയ്ഫ് അലിഖാന് ആണ് വേഷമിടുന്നത്. 2005 ല് പുറത്തിറങ്ങിയ ഒറിജിനല് ചിത്രത്തില് അഭിഷേക്കും റാണിയുമാണ് പ്രധാന കഥാപാത്രങ്ങളെ അവതരിപ്പിച്ചിരുന്നത്.
നവാഗതനായ ഷര്വാരി, ഗല്ലി ബോയ് നടന് സിദ്ധാന്ത് ചതുര്വേദി എന്നിവരും പ്രധാന കഥാപാത്രങ്ങളെ അവതരിപ്പിക്കുന്നു. കഴിഞ്ഞ ജൂണില് റിലീസ് ചെയ്യും എന്നറിയിച്ചിരുന്നെങ്കിലും കൊവിഡ് വ്യാപനം മൂലം ചിത്രത്തിന്റെ ഷൂട്ടിംഗ് നിര്ത്തി വച്ചിരിക്കുകയായിരുന്നു.