തൃശൂർ: ഗുരുവായൂർ ക്ഷേത്രപ്രവേശന സത്യാഗ്രഹ സമരത്തിന്റെ നവതി ആഘോഷത്തിൽ മുഖ്യമന്ത്രി പിണറായി വിജയൻ പങ്കെടുക്കും. ദേവസ്വം ഭരണസമിതി യോഗമാണ് മുഖ്യമന്ത്രിയെയും ദേവസ്വം മന്ത്രി കെ രാധാകൃഷ്ണൻ ഉൾപ്പടെയുള്ള പ്രമുഖരെയും പങ്കെടുപ്പിക്കുന്നത് സംബന്ധിച്ച തീരുമാനം കൈക്കൊണ്ടത്.
ക്ഷേത്ര പുനരുദ്ധാരണത്തിന്റെ സുവർണ ജൂബിലി ആഘോഷങ്ങളിലും മുഖ്യമന്ത്രി പങ്കെടുക്കും. മുഖ്യമന്ത്രിയുടെ സൗകര്യാർത്ഥം അടുത്തമാസം ആദ്യവാരം തന്നെ പരിപാടി നടത്താനാണ് ആലോചിക്കുന്നത്. സത്യാഗ്രഹ സമര നവതിയുടെ സ്മരണിക പ്രസിദ്ധീകരിക്കാനും ദേവസ്വം ഭരണസമിതി യോഗത്തിൽ തീരുമാനമായി.