സ്വന്തമായി ഒരു യൂട്യൂബ് ചാനല് തുടങ്ങി പുതിയ ചുവടുവെപ്പുമായി ചെറിയാന് ഫിലിപ്പ്.
‘ചെറിയാന് ഫിലിപ്പ് പ്രതികരിക്കുന്നു’എന്നാണ ചാനലിന്റെ പേരെന്നാണ് ലഭിക്കുന്ന വിവരം. ചാനലിന്റെ നയം തികച്ചും സ്വതന്ത്രമായിരിക്കുമെന്നും ചെറിയാന് ഫിലിപ്പ് വ്യക്തമാക്കി. ഫേസ്ബുക്ക് പോസ്റ്റിലൂടെയാണ് യൂട്യൂബ് ചാനല് തുടങ്ങുന്നത് സംബന്ധിച്ച് ചെറിയാന് ഫിലിപ്പ് ഇക്കാര്യം വ്യക്തമാക്കിയത്.
അതേസമയം, രാഷ്ട്രീയ നിലപാട് പ്രശ്നാധിഷ്ടിതമായിരിക്കുമെന്നും ഏതു വിഷയത്തിലും വസ്തുതകള് നേരോടെ തുറന്നുകാട്ടുമെന്ന് ചെറിയാന് ഫിലിപ്പ് പറഞ്ഞു. അഴിമതി, വര്ഗീയത, ഏകാധിപത്യം എന്നിവക്കെതിരെ നിര്ഭയം പോരാടുമെന്നും ജനകീയ പ്രശ്നങ്ങളില് നിരന്തരം ഇടപെടുമെന്നും ഒരിക്കലും ഒറ്റക്കണ്ണനാവില്ലെന്നും ചെറിയാന് വ്യക്യമാക്കി.
ഫേസ്ബുക്ക് പോസ്റ്റിന്റെ പൂര്ണരൂപം
ചെറിയാന് ഫിലിപ്പ് പ്രതികരിക്കുന്നു എന്ന യുട്യൂബ് ചാനല് ജനുവരി 1 ന് ആരംഭിക്കും. ചാനല് നയം തികച്ചും സ്വതന്ത്രം.
രാഷ്ട്രീയ നിലപാട് പ്രശ്നാധിഷ്ടിതമായിരിക്കും. ഏതു വിഷയത്തിലും വസ്തുതകള് നേരോടെ തുറന്നുകാട്ടും. അഴിമതി, വര്ഗ്ഗീയത, ഏകാധിപത്യം എന്നിവക്കെതിരെ നിര്ഭയം പോരാടും. ജനകീയ പ്രശ്നങ്ങളില് നിരന്തരം ഇടപെടും. ഒരിക്കലും ഒറ്റക്കണ്ണനാവില്ല. രണ്ടു കണ്ണുകളും തുറക്കും. കണ്ണടയുന്നതു വരെ പ്രതികരിച്ചു കൊണ്ടിരിക്കും.
കൊവിഡ് അനുഭവത്തിന്റെ പശ്ചാത്തലത്തില് സ്വാശ്രയ കേരളത്തിനായി യത്നിക്കും. ഉല്പാദന കേന്ദ്രിത വികസന സംസ്കാരത്തിനായി ശബ്ദിക്കും. കാര്ഷിക നവോത്ഥാനം, വ്യവസായ നവീകരണം, നൈപുണ്യ വിദ്യാഭ്യാസം, ആരോഗ്യ ജീവനം, പരിസ്ഥിതി സംരക്ഷണം, മാലിന്യ നിര്മ്മാര്ജ്ജനം, സ്ത്രീ സുരക്ഷ, ലിംഗസമത്വം, സാമൂഹ്യനീതി തുടങ്ങിയവ പ്രചരണ വിഷയമാക്കും. സാമൂഹ്യ പ്രതിബദ്ധതയും പൗരബോധവുമായിരിക്കും മുഖമുദ്ര.