കോഴിക്കോട്: കോഴിക്കോട് തൊട്ടില്പ്പാലത്ത് പെണ്കുട്ടിയെ നാല് പേര് ചേര്ന്ന് കൂട്ടബലാത്സംഗത്തിനിരയാക്കി.വിനോദ സഞ്ചാര കേന്ദ്രം കാണിക്കാമെന്ന് പറഞ്ഞ് കൂട്ടിക്കൊണ്ടുപോയാണ് പീഡനം നടത്തിയത്. കേസില് നാല് പ്രതികളെ പോലീസ് അറസ്റ്റ് ചെയ്തു. ഒക്ടോബര് മൂന്നിനാണ് സംഭവം നടന്നത്.
പെണ്കുട്ടിയുടെ സുഹൃത്തായ യുവാവാണ് വിനോദസഞ്ചാരം കാണിക്കാമെന്ന് പറഞ്ഞ് കൂട്ടിക്കൊണ്ട് പോയത്.തുടര്ന്ന് പെണ്കുട്ടിക്ക് ശീതളപാനീയത്തില് മയക്കുമരുന്ന് കലര്ത്തി നല്കിയ ശേഷം സുഹൃത്തും ഒപ്പമുണ്ടായിരുന്ന മൂന്ന് യുവാക്കളും ചേര്ന്ന് കൂട്ടബലാത്സംഗം ചെയ്തു. ഈ വിവരം പുറത്ത് അറിയിച്ചാല് കൊന്നുകളയുമെന്ന് യുവാക്കള് പെണ്കുട്ടിയെ ഭീഷണിപ്പെടുത്തി. പെണ്കുട്ടിയെ ബന്ധുവീടിന് സമീപം ഉപേക്ഷിച്ച് യുവാക്കള് രക്ഷപ്പെടുകയായിരുന്നു.
സംഭവത്തില് മൂന്ന് കായക്കൊടി സ്വദേശികളേയും ഒരു കുറ്റ്യാടി സ്വദേശിയേയുമാണ് പോലീസ് അറസ്റ്റ് ചെയ്തത്.പ്രതികള്ക്കെതിരെ പോക്സോ ഉള്പ്പെടെയുള്ള വകുപ്പുകള് ചുമത്തിയിട്ടുണ്ട്.