കൊച്ചി: പുരാവസ്തു തട്ടിപ്പുകേസ് പ്രതി മോന്സന് മാവുങ്കലിനെതിരെ പോക്സോ കേസ് ചുമത്തി. 2019ല് തുടര് വിദ്യാഭ്യാസം വാഗ്ദാനം ചെയ്ത് ജോലിക്കാരിയുടെ പ്രായപൂര്ത്തിയാകാത്ത മകളെ പീഡിപ്പിച്ച കേസിലാണ് പോക്സോ ചുമത്തിയിരിക്കുന്നത്. സംഭവത്തില് നോര്ത്ത് പൊലീസ് കേസെടുത്തു.
മോന്സന്റെ മ്യൂസിയമുള്ള വീട്ടില് പെണ്കുട്ടിയും അമ്മയും ജോലി നോക്കിയിരുന്നപ്പോഴാണ് പീഡനം അരങ്ങേറിയത്. കഴിഞ്ഞ ദിവസമാണ് പെണ്കുട്ടി സംഭവത്തില് പരാതിയുമായി രംഗത്തെത്തിയത്. പരാതിയില് മോന്സനുമായി അടുപ്പമുള്ളവരുടെ പേരുമുണ്ടെന്നാണ് റിപ്പോര്ട്ട്.
കൊച്ചി വൈലോപ്പിള്ളി നഗറിലുള്ള മോൻസണിന്റെ വീട്ടിൽ വച്ചും കൊച്ചിയിൽ തന്നെയുള്ള മറ്റൊരു വീട്ടിൽ വച്ചുമാണ് പെൺകുട്ടിയെ പീഡിപ്പിച്ചതെന്ന് പരാതിയിൽ പറയുന്നു. മറ്റു അഞ്ചുകേസുകള്ക്ക് പുറമെയാണ് ഈ കേസും. കേസ് ക്രൈംബ്രാഞ്ചിനു കൈമാറി.