സംവിധാന രംഗത്തേക്ക് ചുവടുവെച്ചിരിക്കുകയാണ് നടന് കൃഷ്ണകുമാറിന്റെ മകളും നടിയുമായ യുവനായിക അഹാന കൃഷ്ണ. തോന്നല് എന്ന മ്യൂസിക് വീഡിയോയിലൂടെയാണ് താരം തന്റെ ആദ്യ സംവിധാന സംരംഭത്തിലേക്ക് കടന്നിരിക്കുന്നത്.
തന്റെ പിറന്നാള് ദിനത്തിലാണ് അഹാന ഈ സന്തോഷവാര്ത്ത പങ്കുവച്ചത്. മ്യൂസിക് ആല്ബത്തിന്റെ പോസ്റ്ററും അഹാന പങ്കുവച്ചു. ഷെഫിന്റെ ഡ്രെസ്സില് അഹാന തന്നെയാണ് പോസ്റ്ററില് പ്രത്യക്ഷപ്പെട്ടിരിക്കുന്നത്.
സംഗീതം ഗോവിന്ദ് വസന്തയും ഛായാഗ്രഹണം നിമിഷ് രവിയുമാണ് . ആറ് മാസത്തോളമായി ഇത് തന്റെ മനസിലുണ്ടെന്ന് അഹാന പറയുന്നു. ഇപ്പോഴാണ് പാകമായി പുറത്തുവന്നതെന്ന് അഹാന കൂട്ടിച്ചേര്ത്തു. ഒക്ടോബര് 30നാണ് തോന്നല് റിലീസ് ചെയ്യുന്നത്. ഹനിയ നഫീസയാണ് ഗായിക. ഷര്ഫുവാണ് ഗാനരചന.