ഇന്ത്യയിൽ ഉത്പാദിപ്പിച്ച വാക്‌സിൻ സ്വീകരിച്ചവർക്ക് ബ്രിട്ടണിൽ ക്വാറന്റെയ്ൻ നിർബന്ധം; പ്രതിഷേധവുമായി ശശി തരൂർ

On: September 21, 2021

തിരുവനന്തപുരം: ഇന്ത്യയിൽ ഉത്പാദിപ്പിച്ച വാക്‌സിൻ സ്വീകരിച്ചവർക്ക് ബ്രിട്ടണിൽ ക്വാറന്റെയ്ൻ നിർബന്ധമാക്കിയതിനെതിരെ പ്രതിഷേധവുമായി ശശി തരൂർ എംപി. ബ്രിട്ടന്റെ യാത്ര നിയന്ത്രണങ്ങൾ കാരണം തന്റെ പുസ്തകത്തിന്റെ യുകെ പതിപ്പിന്റെ പ്രകാശനചടങ്ങിൽ നിന്ന് പിന്മാറേണ്ടി വന്ന സാഹചര്യത്തിലാണ് അദ്ദേഹത്തിന്റെ പ്രതികരണം. പുസ്തക പ്രകാശന ചടങ്ങിൽ പങ്കെടുക്കാൻ കഴിയാത്തതിന്റെ പ്രതിഷേധവും അദ്ദേഹം രേഖപ്പെടുത്തി.

ബ്രിട്ടണിൽ അംഗീകരിച്ച വാക്‌സിനുകളുടെ പുതുക്കിയ പട്ടികയിൽ കൊവാക്‌സിനെയും കൊവിഷീൽഡിനെയും ഉൾപ്പെടുത്തിയിട്ടില്ല. ഈ സാഹചര്യത്തിലാണ് പ്രതിഷേധം ശക്തമാകുന്നത്. കൊവിഷീൽഡിന്റെയോ കൊവാക്‌സിന്റെയോ രണ്ട് ഡോസും സ്വീകരിച്ചവർക്ക് ബ്രിട്ടണിലെത്തിയാൽ 10 ദിവസം ക്വാറന്റൈയ്ൻ നിർബന്ധമാണ്. അടുത്ത വർഷം വരെയെങ്കിലും ഈ യാത്രാ നിയന്ത്രണങ്ങൾ തുടരുമെന്നാണ് വിവരം. ബ്രിട്ടണിലെ ഓക്‌സ്ഫഡ് സർവ്വകലാശാലയും ആസ്ട്രസെനക്കയും ചേർന്ന് വികസിപ്പിച്ച വാക്‌സിനാണ് സെറം ഇൻസ്റ്റിറ്റ്യൂട്ട് കൊവിഷീൽഡ് എന്ന പേരിൽ ഇന്ത്യയിൽ ഉത്പാദിപ്പിച്ച് വിതരണം ചെയ്യുന്നത്.

ആസ്ട്രസെനക്കയുടെ വാക്‌സിൻ വിതരണം ചെയ്യുന്ന ഓസ്‌ട്രേലിയ, ബഹൈറൈൻ, സൗദി അറേബ്യ തുടങ്ങിയ രാജ്യങ്ങളിലുള്ളവർക്ക് ഈ ക്വാറന്റെയ്ൻ നിയമം ബാധകമല്ല.

Previous Post: പഞ്ചാബിലെ ശുദ്ധികലശം കോൺഗ്രസ് നേതൃനിരയിലേക്കുള്ള രാഹുൽ ഗാന്ധിയുടെ തിരിച്ചു വരവോ!

Next Post: ഐപിഎല്‍; ബാംഗ്ലൂരിനെ തകര്‍ത്ത് കൊല്‍ക്കത്തയ്ക്ക് ഒമ്പതു വിക്കറ്റ് ജയം

ചാറ്റ് ലോക്ക്, ഒരു മിനിറ്റോളം നീളുന്ന സ്റ്റാറ്റസുകൾ; പുത്തൻ ഫീച്ചറുകൾ അവതരിപ്പിക്കാൻ വാട്ട്‌സ് ആപ്പ്

ഉപഭോക്താക്കളുടെ പ്രിയ മെസേജിംഗ് ആപ്ലിക്കേഷനാണ് വാട്ട്സ്ആപ്പ്. പുതിയ അപ്‌ഡേറ്റുകൾ അവതരിപ്പിക്കാൻ വാട്ട്‌സ് ആപ്പ് എപ്പോഴും ശ്രദ്ധിക്കാറുണ്ട്. ലിങ്ക് ചെയ്യുന്ന ഡിവൈസുകളിൽ ചാറ്റ് ലോക്ക് ചെയ്യുക, പുതിയ ചാനലുകൾ കണ്ടെത്താനുള്ള ഓപ്ഷൻ, ഒരു മിനിറ്റോളം നീളുന്ന സ്റ്റാറ്റസുകൾ, ഹിഡൻ കമ്മ്യൂണിറ്റി ഗ്രൂപ്പ് ചാറ്റുകൾ, ഓട്ടോ പ്ലേ അനിമേറ്റഡ് ഇമേജസ് തുടങ്ങിയ ഫീച്ചറുകൾ ലഭ്യമാകുന്ന അപ്‌ഡേറ്റ് പരീക്ഷിക്കാനൊരുങ്ങുകയാണ് വാട്ട്‌സ്ആപ്പ് എന്നാണ് റിപ്പോർട്ടുകൾ. ചില ബീറ്റ ടെസ്റ്ററുകളിൽ ഇപ്പോൾ ഇവ ലഭ്യമാണ്. ലിങ്ക്ഡ് ഡിവൈസിൽ നിന്നും സ്വകാര്യ ചാറ്റുകളെ സംരക്ഷിച്ച് നിർത്താനാണ് ലോക്ക്ഡ് ചാറ്റ് ഓപ്ഷൻ. ഇവ ഓപ്പൺ ചെയ്യാൻ ഒരു രഹസ്യ കോഡ് സൃഷ്ടിക്കുകയും വേണം. മുപ്പത് സെക്കന്റ് ദൈർഘ്യമുള്ള വാട്ട്സ്ആപ്പ് സ്റ്റാറ്റസുകൾ ഇനി ഒരു മിനിറ്റായി നീട്ടുന്നതാണ് അടുത്ത ഫീച്ചർ. വരുന്ന ആഴ്ചകളിൽ എല്ലാ ഉപഭോക്താക്കൾക്കും ഇത് ലഭ്യമാക്കും.
തദ്ദേശ വാർഡ് പുനർനിർണയം; സർക്കാറിന്റേത് ഏകപക്ഷീയ തീരുമാനമാണെന്ന് വി ഡി സതീശൻ

തിരുവനന്തപുരം: സംസ്ഥാന സർക്കാരിനെതിരെ രൂക്ഷ വിമർശനവുമായി പ്രതിപക്ഷ നേതാവ് വി ഡി സതീശൻ. തദ്ദേശ വാർഡ് പുനർനിർണയം സംബന്ധിച്ച് സർക്കാറിന്റേത് ഏകപക്ഷീയ തീരുമാനമാണെന്ന് അദ്ദേഹം പറഞ്ഞു. യുഡിഎഫ് സർക്കാറിന്റെ കാലത്ത് അന്നത്തെ പ്രതിപക്ഷവുമായി ആലോചിച്ചാണ് തീരുമാനമെടുത്തത്. എന്നാൽ, ഈ സർക്കാർ അത്തരമൊരു തീരുമാനം കൈക്കൊണ്ടില്ലെന്നും അദ്ദേഹം ചൂണ്ടിക്കാട്ടി. എന്തെങ്കിലും കൗശലം കാണിക്കാനുള്ള വഴിയാണ് സർക്കാർ തുറന്നുവെക്കുന്നതെങ്കിൽ അതിനെ നിയമപരമായി നേരിടും. പുനർനിർണയത്തിന്റെ പേരിൽ കൃത്രിമം കാട്ടാൻ അനുവദിക്കില്ല. നിയമപരമായ മാനദണ്ഡങ്ങളുടെ അടിസ്ഥാനത്തിൽ മാത്രമെ വാർഡ് പുനർനിർണയം യുഡിഎഫ് അനുവദിക്കൂ. മാനദണ്ഡങ്ങൾ ലംഘിച്ച് ഓരോരുത്തരുടെ സൗകര്യത്തിന് വാർഡ് ഉണ്ടാക്കുന്ന പഴയ രീതി പിന്തുടരാൻ സമ്മതിക്കില്ല. കെടുകാര്യസ്ഥതയാണ് സർക്കാരിന്റെ മുഖമുദ്രയെന്ന് ഒരിക്കൽ കൂടി തെളിഞ്ഞിരിക്കുകയാണെന്നും വി ഡി സതീശൻ അറിയിച്ചു. രണ്ട് ദിവസം മഴ പെയ്തപ്പോൾ തിരുവനന്തപുരം ഉൾപ്പെടെ കേരളത്തിലെ മിക്ക ഭാഗങ്ങളും വെള്ളത്തിനടിയിലായി. ഇത് മൺസൂൺ അല്ല, പ്രീ മൺസൂൺ ആണെന്ന് സർക്കാർ ഓർക്കണം. മഴക്കാല പൂർവ നടപടികളൊന്നും തദ്ദേശ വകുപ്പ് സ്വീകരിച്ചിട്ടില്ല. ഇതുമായി ബന്ധപ്പെട്ട് തദ്ദേശ സ്ഥാപനങ്ങൾക്ക് നിർദേശങ്ങളും നൽകിയില്ല. മഴക്കാല പൂർവ ശുചീകരണം നടത്താതെ ബോധവത്കരണ ജാഥകളാണ് പല സ്ഥലങ്ങളിലും നടക്കുന്നത്. ഓട വൃത്തിയാക്കുകയോ വെള്ളം പോകാനുള്ള സംവിധാനം ഒരുക്കുകയോ ചെയ്തിട്ടില്ല. വലിയ മഴ വന്നാൽ കേരളത്തിലെ സ്ഥിതി എന്താകും? ദേശീയ പാതയുടെ പണി നടക്കുന്ന സ്ഥലങ്ങളിലെല്ലാം വൈദ്യുത ലൈനുകളും ജല വിതരണ പൈപ്പുകളും വിച്ഛേദിച്ചിട്ടുണ്ട്. പലയിടങ്ങളിലും വെള്ളം ഒഴുകിപ്പോകാനുള്ള സൗകര്യങ്ങൾ പോലുമില്ല. അശാസ്ത്രീയമായ രീതിയിലുള്ള ദേശീയപാത നിർമ്മാണം വലിയ വെള്ളക്കെട്ടിനും വെള്ളപ്പൊക്കത്തിനും ഇടയാക്കും. ഇക്കാര്യങ്ങൾ ചൂണ്ടിക്കാട്ടി മുഖ്യമന്ത്രിക്ക് കത്ത് നൽകിയിട്ടുണ്ട്. എന്നിട്ടും സർക്കാർ അനങ്ങുന്നില്ല. ആരോഗ്യ രംഗത്തും ഗൗരവതരമായ വിഷയങ്ങളാണ് റിപ്പോട്ട് ചെയ്യപ്പെട്ടതെന്ന് അദ്ദേഹം വ്യക്തമാക്കി. മഞ്ഞപ്പിത്ത ബാധിതരുടെ എണ്ണം കൂടിയിട്ടും ആരോഗ്യവകുപ്പ് അധികൃതർ ശ്രദ്ധിക്കുന്നില്ല. മഞ്ഞപ്പിത്തം ബാധിച്ച് പാവങ്ങളാണ് ആശുപത്രികളിൽ കിടക്കുന്നത്. അവർക്ക് സർക്കാർ ഒരു സഹായവും നൽകുന്നില്ല. കുറേപ്പേർ മരിച്ചു. ആരും അന്വേഷിക്കുന്നില്ല. കൊടും ചൂടുള്ളപ്പോൾ നിരവധി പേരാണ് കുഴഞ്ഞു വീണ് മരിച്ചത്. നിരവധി പേർക്ക് ഹൃദയാഘാതവും പക്ഷാഘാതവും പിടിപെട്ടു. ഇതൊക്കെ കോവിഡിന് ശേഷമുള്ള പ്രശ്‌നങ്ങളാണോ, അതോ വാക്‌സിനുമായി ബന്ധപ്പെട്ട വിഷയമാണോ എന്നൊക്കെയുള്ള ആശങ്ക ജനങ്ങൾക്കിടയിൽ നിലനിൽക്കുമ്‌ബോഴും ആരോഗ്യ വകുപ്പ് നിസംഗരായി നിൽക്കുകയാണ്. ഇത്രയും കെടുകാര്യസ്ഥതയുള്ള സർക്കാർ വേറെ എവിടെയുണ്ടെന്ന് വി ഡി സതീശൻ ചോദിക്കുന്നു. ഒരു പണിയും ചെയ്യാതിരിക്കുക എന്നതാണ് എല്ലാ വകുപ്പിലും നടക്കുന്നത്. ആരോഗ്യവകുപ്പിലെ ഒരോ വിഷയങ്ങളിലും റിപ്പോർട്ട് ആവശ്യപ്പെട്ടുള്ള മന്ത്രിയുടെ ഉത്തരവുകളെല്ലാം ചേർത്താൽ ഒരു പുസ്തകം ഇറക്കാം. ഒരു റിപ്പോർട്ടിലും നടപടിയില്ല. കേരളം ഗുണ്ടകളുടെ കൈപ്പിടിയിലാണ്. മുഖ്യമന്ത്രിക്ക് ആഭ്യന്തര വകുപ്പുമായി ഒരു ബന്ധവുമില്ല. മുഖ്യമന്ത്രിയുടെ ഓഫിസിലെ ഉപജാപക സംഘമാണ് പൊലീസിനെ നിയന്ത്രിക്കുന്നത്. പൊലീസ് നിസാഹായരായി നിൽക്കുകയാണ്. രണ്ടായിരത്തോളം ഗുണ്ടകളാണ് തെരുവിലിറങ്ങിയിരിക്കുന്നത്. ഏത് സമയത്തും ആരും കൊല ചെയ്യപ്പെടാമെന്ന സ്ഥിതിയാണ്. ഗുണ്ടകളെത്തി വീടുകൾ അടിച്ചു പൊളിക്കുകയാണെന്നും അദ്ദേഹം കൂട്ടിച്ചേർത്തു.
നാല് ഐ എസ് ഭീകരർ അറസ്റ്റിൽ; പിടിയിലായത് വിമാനത്താവളത്തിൽ നിന്നും

അഹമ്മദാബാദ്: നാല് ഐ എസ് ഭീകരർ അറസ്റ്റിൽ. അഹമ്മദാബാദ് വിമാനത്താവളത്തിൽ നിന്നാണ് ഭീകരർ അറസ്റ്റിലായത്. ഗുജറാത്ത് ഭീകരവിരുദ്ധ സ്‌ക്വാഡാണ് ഇവരുടെ അറസ്റ്റ് രേഖപ്പെടുത്തിയത്. അറസ്റ്റിലായവരെല്ലാം ശ്രീലങ്കൻ സ്വദേശികളാണ്. ഇവരുടെ ചിത്രങ്ങൾ എടിഎസ് പുറത്തുവിട്ടു. സംഭവത്തിന് പിന്നാലെ വിമാനത്താവളത്തിൽ സുരക്ഷ വർധിപ്പിച്ചു. സംഭവവുമായി ബന്ധപ്പെട്ട് കൂടുതൽ വിശദാംശങ്ങൾ ലഭ്യമായിട്ടില്ല. തിങ്കളാഴ്ച്ചയാണ് ഈ ഭീകരർ അഹമ്മദാബാദ് സർദാർ വല്ലാഭായ് പട്ടേൽ അന്താരാഷ്ട്ര വിമാനത്താവളത്തിലെത്തിയത്. നാലുപേരെയും എ.ടി.എസ്. അറസ്റ്റ് ചെയ്തതായും പിന്നാലെ ചോദ്യം ചെയ്യലിനായി രഹസ്യകേന്ദ്രത്തിലേക്ക് കൊണ്ടുപോയതായും മാദ്ധ്യമങ്ങൾ റിപ്പോർട്ട് ചെയ്യുന്നു. അതേസമയം, ഐപിഎൽ മത്സരത്തിനായി മൂന്ന് ടീമുകൾ അഹമ്മദാബാദിൽ എത്താനിരിക്കുകയാണ്. ഇതിനിടെയാണ് ഐഎസ് ഭീകരരായ നാലുപേർ വിമാനത്താവളത്തിൽ നിന്ന് പിടിയിലാകുന്നത്.
ഇന്ത്യൻ 2 ന്റെ റിലീസ് തീയതി പ്രഖ്യാപിച്ചു

കമൽഹാസൻ നായകനായെത്തുന്ന ഇന്ത്യൻ 2 ന്റെ റിലീസ് തീയതി ഔദ്യോഗികമായി പ്രഖ്യാപിച്ചു. 2024 ജൂലൈ 12 ന് ചിത്രം റിലീസ് ചെയ്യുമെന്ന് അണിയറ പ്രവർത്തകർ അറിയിച്ചു. ശങ്കറാണ് ചിത്രം സംവിധാനം ചെയ്തിരിക്കുന്നത്. 1996-ലെ ബോക്സ് ഓഫീസ് റെക്കോർഡുകൾ തകർത്ത ‘ഇന്ത്യൻ’ ചിത്രത്തിന്റെ രണ്ടാം ഭാഗമാണ് ഇന്ത്യൻ 2 . ഇന്ത്യൻ 2 ൽ അനിരുദ്ധ് രവിചന്ദർ ആണ് സംഗീത സംവിധാനം നിർവ്വഹിച്ചിരിക്കുന്നത്. സിദ്ധാർത്ഥ്, എസ് ജെ സൂര്യ, രാകുൽ പ്രീത് സിങ്, പ്രിയ ഭവാനി ശങ്കർ, കാളിദാസ് ജയറാം, നെടുമുടി വേണു, വിവേക്, ബോബി സിംഹ, ഗുരു സോമസുന്ദരം, മനോബാല, വെണ്ണെല കിഷോർ, ദീപ ശങ്കർ തുടങ്ങിയവർഇന്ത്യൻ 2 ൽ പ്രധാന വേഷത്തിൽ എത്തുന്നു. ലൈക്ക പ്രൊഡക്ഷൻസും റെഡ് ജെയ്ന്റ് മൂവീസും ചേർന്നാണ് ചിത്രം നിർമ്മിച്ചിരിക്കുന്നത്.
ബിജെപി ഒരിക്കലും ന്യൂനപക്ഷങ്ങൾക്കെതിരല്ല; പ്രതിപക്ഷത്തിന്റേത് പ്രീണന രാഷ്ട്രീയമാണെന്ന് പ്രധാനമന്ത്രി

ന്യൂഡൽഹി: ബിജെപി ഒരിക്കലും ന്യൂനപക്ഷങ്ങൾക്കെതിരല്ലെന്ന് പ്രധാനമന്ത്രി നരേന്ദ്ര മോദി. ന്യൂനപക്ഷങ്ങൾക്കെതിരെ താൻ ഒരു അക്ഷരം പോലും പറഞ്ഞിട്ടില്ലെന്നും അദ്ദേഹം വ്യക്തമാക്കി. പ്രതിപക്ഷത്തിനെതിരെ അദ്ദേഹം രൂക്ഷ വിമർശനം ഉന്നയിക്കുകയും ചെയ്തു. പ്രതിപക്ഷത്തിന്റേത് പ്രീണന രാഷ്ട്രീയമാണ്, കോൺഗ്രസിന്റെ വോട്ട് ബാങ്ക് രാഷ്ട്രീയത്തെയാണ് താൻ വിമർശിച്ചതെന്നും അദ്ദേഹം ചൂണ്ടിക്കാട്ടി. കോൺഗ്രസ് ഭരണഘടനക്കെതിരെ പ്രവർത്തിക്കുന്നു. മതാടിസ്ഥാത്തിൽ സംവരണം ഉണ്ടാകുന്നതിന് അംബേദ്കറും നെഹ്‌റുവും എതിരായിരുന്നുവെന്നും അദ്ദേഹം അറിയിച്ചു. ലോക്‌സഭാ തെരഞ്ഞെടുപ്പ് പ്രചാരണത്തിനിടെ രാജസ്ഥാനിലും ഉത്തർപ്രദേശിലും പ്രധാനമന്ത്രി നടത്തിയ പ്രസംഗങ്ങൾ വിവാദങ്ങൾ സൃഷ്ടിച്ചിരുന്നു. ഇന്ത്യാ സഖ്യം അധികാരത്തിൽ വന്നാൽ രാജ്യത്തെ ജനങ്ങളുടെ സ്വത്ത് അവർ കൂടുതൽ മക്കളുള്ളവർക്കും നുഴഞ്ഞുകയറ്റക്കാർക്കും നൽകും അത് വേണോ എന്നായിരുന്നു രാജസ്ഥാനിലെ പ്രസംഗത്തിൽ പ്രധാനമനത്രി നടത്തിയ പരാമർശം. കോൺഗ്രസ്- എസ്പി സഖ്യം ജയിച്ചാൽ അവർ ജനങ്ങളുടെ സമ്പത്ത് വോട്ട് ജിഹാദിന്റെ ആളുകൾക്ക് നൽകുമെന്നായിരുന്നു ഉത്തർപ്രദേശിൽ മോദി വ്യക്തമാക്കിയത്.