തിരുവനന്തപുരം: സംസ്ഥാനത്ത് സ്കൂള് തുറക്കാന് ഒരുക്കങ്ങള് തുടങ്ങിയെന്ന് വിദ്യാഭ്യാസമന്ത്രി വി ശിവന്കുട്ടി. വിദ്യാഭ്യാസ വകുപ്പുമായി ചര്ച്ച ചെയ്താണ് തീരുമാനമെടുത്തത്. ക്ലാസുകള് ഷിഫ്റ്റ് അടിസ്ഥാനത്തില് നടത്തുമെന്നും മന്ത്രി പറഞ്ഞു.
മാത്രമല്ല, എല്ലാ ക്ലാസുകളിലും മാസ്ക് നിര്ബന്ധമാക്കുമെന്നും, സ്കൂള് ബസുകള് ഉള്പ്പടെ എല്ലാം അണുവിമുക്തമാക്കും. ബസില്ലാത്ത സ്കൂളുകളില് പ്രത്യേക സംവിധാനം ഏര്പ്പെടുത്തും. സമാന്തരമായി ഓണ്ലൈന് ക്ലാസുകളും നടക്കുമെന്നും മന്ത്രി അറിയിച്ചു.
വിദ്യാര്ത്ഥികളുടെയും രക്ഷിതാക്കളുടെയും ആശങ്ക ദുരീകരിക്കുമെന്നും അധ്യാപക സംഘടനാ നേതാക്കളുമായി ചര്ച്ച നടത്തുമെന്നും, സ്കൂള് തുറക്കുന്നത് സംബന്ധിച്ച് രണ്ട് ദിവസത്തിനകം ഉദ്യോഗസ്ഥതല ചര്ച്ച നടത്തും, വിദ്യാഭ്യാസവകുപ്പും ആരോഗ്യവകുപ്പും സംയുക്തമായി തീരുമാനമെടുക്കുമെന്നും മന്ത്രി അറിയിച്ചു.