എറണാകുളം: ടൊവിനോ തോമസ് ചിത്രം ‘മിന്നല് മുരളി’ ഒടിടി റിലീന് ഒരുങ്ങുന്നതായി റിപ്പോര്ട്ട്.മിന്നൽ മുരളി നെറ്റ്ഫ്ലിക്സിൽ ലോകമെമ്പാടും റിലീസ് ചെയ്യും .
മിന്നല് മുരളിയുടെ സ്ട്രീമിംഗ് അവകാശം നെറ്റ്ഫ്ളിക്സിന് ആണെന്ന് മാസങ്ങള്ക്കു മുന്പ് അണിയറക്കാര് തന്നെ വ്യക്തമാക്കിയിരുന്നു.
ടൊവിനോയുടെ കരിയറിലെ ഏറ്റവും വലിയ ബജറ്റിലാണ് ചിത്രം ഒരുക്കിയിരിക്കുന്നത്. മലയാളം, തമിഴ്, തെലുങ്ക്, കന്നഡ, ഹിന്ദി എന്നിങ്ങനെ അഞ്ച് ഭാഷകളില് ചിത്രം റിലീസ് ചെയ്യും. വിവിധ ഭാഷകളിലെ സിനിമയുടെ പേരുകളും അണിയറ പ്രവര്ത്തകര് പുറത്തുവിട്ടു.
ഗോദ എന്ന സൂപ്പര് ഹിറ്റ് സിനിമയ്ക്ക് ശേഷം ടൊവിനോ തോമസും സംവിധായകന് ബേസില് ജോസഫും വീണ്ടും ഒന്നിക്കുന്ന ചിത്രം കൂടിയാണ് മിന്നല് മുരളി. സമീര് താഹിര് ആണ് ഛായാഗ്രഹണം. സംഗീതം ഷാന് റഹ്മാന്. ചിത്രത്തിലെ രണ്ട് വമ്പന് സംഘട്ടനങ്ങള് സംവിധാനം ചെയ്യുന്നത് ബാറ്റ്മാന്, ബാഹുബലി, സുല്ത്താന് തുടങ്ങിയ ചിത്രങ്ങള്ക്ക് പിന്നില് പ്രവര്ത്തിച്ച വ്ളാഡ് റിംബര്ഗാണ്. വി എഫ് എക്സിന് ഏറെ പ്രാധാന്യമുള്ള ചിത്രത്തിന്റെ വി എഫ് എക്സ് സൂപ്പര്വൈസര് ആന്ഡ്രൂ ഡിക്രൂസാണ്.