ആന്ഡ്രോയ്ഡ് ആപ്പിനെ തന്നെ തകരാറിലാക്കുന്ന പുതിയ ബഗ്ഗുകള് വാട്സ്ആപ്പ് മുഖാന്തരം പ്രചരിക്കുന്നതായി കണ്ടെത്തല്. ഉപഭോക്താക്കള് ഗ്രൂപ്പ് ചാറ്റ്, വ്യക്തിഗത ചാറ്റ് എന്നിവ ഉപയോഗിക്കുമ്ബോഴാണ് ബഗ്ഗ് ട്രിഗര് ചെയ്യുന്നത്.
പ്രധാനമായും wa.me/settings എന്ന ലിങ്ക് ഉപഭോക്താക്കള് തുറക്കുമ്ബോഴാണ് ബഗ്ഗ് ട്രിഗര് ചെയ്യുന്നതായി കണ്ടെത്തിയിരിക്കുന്നത്. ഈ ബഗ്ഗുകള് ഫോണില് പ്രവേശിക്കുന്നതോടെ, ആപ്പ് തനിയെ റീസ്റ്റാര്ട്ട് ചെയ്യുകയും, ഫോണിലെ വിവരങ്ങള് ചോര്ത്താന് ആരംഭിക്കുന്നതുമാണ്. ആന്ഡ്രോയ്ഡിലെ വാട്സ്ആപ്പിന്റെ 2.23.10.77 പതിപ്പിനെയാണ് ബഗ്ഗ് ബാധിക്കുന്നതെന്നാണ് റിപ്പോര്ട്ട്.
അതേസമയം, മറ്റ് വേര്ഷനുകളെയും ബാധിക്കാന് സാധ്യതയുണ്ടെന്നാണ് സൂചന. നിലവില്, വാട്സ്ആപ്പിന്റെ ബ്രൗസര് പതിപ്പായ വാട്സ്ആപ്പ് വെബ്ബിനെ ഈ ബഗ്ഗ് ബാധിച്ചിട്ടില്ല.