വന്ദേഭാരത് എക്സ്പ്രസിന്റെ ടിക്കറ്റ് ബുക്കിങ് ഇന്ന് രാവിലെ 8 മണിക്ക് ആരംഭിച്ചു. ഏപ്രില് 28 മുതലുള്ള സര്വീസിന്റെ ബുക്കിങാണ് ആരംഭിച്ചത്.
തിരുവനന്തപുരത്ത് നിന്നും കാസര്ഗോഡ് വരെ ചെയര്കാറില് യാത്ര ചെയ്യാന് 1590 രൂപയാണ് നിരക്ക്. എക്സിക്യുട്ടീവ് ക്ലാസിന് 2,880 രൂപയുമാണ്. തിരുവനന്തപുരം – എറണാകുളം ചെയര് കാറിനു 765 രൂപ, തിരുവനന്തപുരം – എറണാകുളം എക്സിക്യൂട്ടീവ് കോച്ചിന് 1420 രൂപ എന്നിങ്ങനെയാണ് മറ്റ് നിരക്കുകള്. എക്സിക്യൂട്ടീവ് കോച്ചില് 86 സീറ്റുകകളും ചെയര് കാറില് 914 സീറ്റുകളുമാണ് ഉള്ളത്.
തിരുവനന്തപുരത്ത് നിന്ന് രാവിലെ 5.20 നാണ് ട്രെയിന് പുറപ്പെടുക. കാസര്കോട് നിന്ന് ഉച്ചയ്ക്ക് 2.30 നും തിരിക്കും. വ്യാഴാഴ്ച സര്വീസില്ല. ടിക്കറ്റുകള് നേരിട്ട് റെയില്വെ കൗണ്ടറുകള് വഴിയോ, വെബ്സൈറ്റുകള്, മൊബൈല് ആപ് എന്നിവയിലൂടെയോ ബുക്ക് ചെയ്യാം.