2030 ഓടെ ഇന്ത്യയില് 6ജി വരുമെന്ന് റിപ്പോര്ട്ട്. കഴിഞ്ഞ ഒക്ടോബറിലാണ് പ്രധാനമന്ത്രി 5ജി സേവനം രാജ്യത്ത് അവതരിപ്പിച്ചത്. തുടര്ന്ന് രാജ്യത്തെ 400 നഗരങ്ങളില് 5ജി സേവനം ലഭ്യമായി. വെറും ആറ് മാസത്തെ ഇടവേളയില് 6ജി വേഗത കൈവരിക്കാന് സജ്ജമാവുകയാണ് ഇന്ത്യ.
നിലവില് 700 എംബിപിഎസ്-1 ജിബിപിഎസ് വേഗമാണ് 5ജി ഉപയോക്താക്കള്ക്ക് നല്കുന്നത്. 6ജിക്ക് 5ജിയെക്കാള് നൂറിരട്ടി വേഗത ഉണ്ടാകുമെന്നാണ് റിപ്പോര്ട്ട്. ‘6ജിയുടെ വരവോടെ ഡിജിറ്റല് ലോകവും യാഥാര്ത്ഥ്യവും തമ്മില് ഇതുവരെ കാണാത്തത്ര ഇഴുകി ചേരും. ലോകത്തെ എവിടെ നിന്നും ജോലി ചെയ്യാനും പുതിയ സംസ്കാരവും നാടും കാണാനും അനുഭവിക്കാനുമുള്ള അവസരം 6ജി ഒരുക്കും’- സ്വീഡിഷ് ടെലികോം കമ്പനിയായ എറിക്സണ് പറഞ്ഞു.
ആരോഗ്യം, കാര്ഷികം, റോബോട്ടിക്സ് എന്നീ രംഗങ്ങളിലെല്ലാം 6ജിക്ക് വലിയ പങ്ക് വഹിക്കാനാകും. മനുഷ്യന്റെ ഇടപെല് ഇല്ലാതെ തന്നെ പ്രശ്നങ്ങള്ക്ക് പരിഹാരം കാണാന് 6ജി സഹായത്തോടെ ആര്ട്ടിഫിഷ്യല് ഇന്റലിജന്സ് മെഷീനുകള്ക്ക് സാധിക്കും. രണ്ട് ഘട്ടമായാകും ഇന്ത്യയില് 6ജി എത്തുക.